Read lugbara Zaburi 14 Bible Online

Zaburi 14 - lugbara bible

Zaburi 14

¹’Ba ondua kokoruri ’yo i asia ’bo kini, Mungu yo. Asisile yini ovu onzikanyaru,yi ’yeta ngule onzi ’diyi ’ye, ’ba e’yo onyiru ’yepini aluni yo.

²Yehova lu va engazu ’bua anzi ’bani ma dria, ndrezu kani ’ba e’yo ’yepi onduasini indi ya, kani ’ba Mungu ndrupiri indi yani.

³Yi dria oja yi kalaa, yi dria tualu eca onzikanyaru ’bo; ’ba e’yo onyiru ’yepini yo, yo, aluani yo.

⁴’Ba e’yo onzi ’yepi ’diyi yi dria! ovu nita kokoru ya? ’Ba ’diyi nya ’ba mani ekile yini enya nyalerile, yi omveni vini Yehovani ku.

⁵’Dale uri amboru bi yi ra Munguni ovule ’ba kililiru ’diyi ma eseliarisi.

⁶Emi adri e’yo amaza ’ba alioruni ’ ’ba toko, te Yehova ovu pari agu ndeni ita mbazu aleniari’i.

⁷Pata ’ba Israelini opazuri ka te efu Zionia ’bo ’yeke fo! Etu Yehovani ’ba erini ovupi jizaru ati’baru ’diyi omvizu dikarisi, etu ’dasi Yakoboni nga ovu ayikosi, ’ba Israelini yi nga ovu nyona be.