Read lugbara Zaburi 140 Bible Online

Zaburi 140 - lugbara bible

Zaburi 140

¹Mi pa ma, Yehova, ’ba onzi ma dria fo; mi mba ma ta ’ba ’ba ’yepi eganasi ’diyisi fo!

²Yi e’yo onzi ega yi ma asia, etuzu yi fe ’ba ma asini engazu ombaru.

³Yi iji andre yini ma si ekile uri e’bo, ’boroa ma ’yu ovu yi ma tilia ci.

⁴Yehova, mi mba ma ta ’ba onzi ma dria fo; mi pa ma ’ba ’ba ’yepi egaqasi ’diyisi fo, yi’i ’ba Jepi ma pa sepi geriasi amve’diyi.

⁵’Ba afu be ’diyi yi ti onga ma dri zizaru, baka pie; yi ’be emba yini geria, yi ti vuluvulu ma bizu,

⁶Ma ’yo Yehova tia kini, Mi Mungu mani; mi ma co bile o’duko mani matu ’bazuri erizu fo, Yehova!

⁷Yehova Opi, mi okpo pata manirini, o’du ombanirisi mi a’bu ndra ma dri ra.

⁸Yehova, mi fe e’yo ’ba onzini leleri ma ’ye i ku fo! Mi ko eri ma aza eyikiza onzi erinisi ku, ’ba nde kazu yi ipizu afusi ku!

⁹Lokiri ’ba ma ecepi kuru ’diyi ma tiliari ma emvi be yi ma ngulupi ma dria!

¹⁰Mi ku aciolu ma e’de yi ma dria! Ma o’be yi aci alia, ’bile aliru ma alia, yi ma enga ani dika ku beni!

¹¹’Ba e’yo onzi ’yopiri ngani pa so nyakua ’dani ku; e’yo onzini nga ’ba ’yepi egaŋasiri ma vuti dro eri ’bezu va.

¹²Te ma ni ra Yehovani nga ’ba inzale ’diyi ma e’yo ma aza ko e’yo liza ma alia, eri nga ’ba alioru ’diyi ma e’yo li kililiru.

¹³Adaru, ’ba onyiru ’diyi nga awa’difo ’yo ru mini inzizu; ’ba kililiru ’diyi nga adri pari mini ovuzuria.