Read lugbara Zaburi 141 Bible Online

Zaburi 141 - lugbara bible

Zaburi 141

¹Yehova, ma omve mi; mi enzu ma vu mbele! Mi eri ma o’duko, mani mi omveria.

²Onyiru zita mani ma ea mi vu ekile obiese vele verile; mani dri mani ejuzu ururi ma ovu ekile edeta edele ondre berile!

³Yehova, mi te ti mani ma agei fo, mi mba tile ma tiari ma ta fo!

⁴Mi fe asi mani ma ebi i ava e’yo onzini vu aluni ku, e’yo onzi ’yezu ’ba adripi e’yo onzi ’yepi ’diyi be tualu ku; mi fe ma nya afa aluzaru yini ku!

⁵’Ba onyiru ka ma co ma imbazuni, eri asi ndrizani; eri ka ega ma dria okposini, e’yo nderi nga ovu ekile odule ma dria; mi fe ma dri ma ga e’yo nde si ku. Yi ka e’yo onzi ’ye ’dani ti, ma nga Mungu zi ’dani.

⁶O’be ’ba e’yo yini lipi ’diyi va oni ma kalaa; yi nga di e’yo mani eri ra, e’yo ndeni ovule aluzarurisi,

⁷Ekile nyakuni i erele o’dutiru ’bani eri ’yariarile, fala amani ovu erezaru Pari ’ba drazaniri ma tia ’dinile.

⁸Te ma mile mani ’ba mi vu, Yehova Opi la; ma asi ’ba mi a’izu; mi ku orindi mani ma ovu a’dukulesi pirini ku!

⁹Mi mba ma ta onga yini tile ma bizurisi, azini vuluvulu ’ba e’yo onzi ’yepi ’diyini edele masirisi!

¹⁰Mi ku ’ba onzi ma ’de emba yi ma ngulupini ’bele ’diyi ma aliani, mani de agaria kalaasi. (Imbata Daudini, etu erini ovuzu oni gulearisiri, Zitani.)