Read lugbara Zaburi 142 Bible Online

Zaburi 142 - lugbara bible

Zaburi 142

¹Ma owu o’dukosi Yehova ma o’dukosi ma zi e’yo Yehova tia,

²ma osu matu mani eri ma drilia, ma ece candi mani eri ma drilia.

³Orindi mani ma okpo ka ovu dezaru ma alia matusi aga ra mi ni geri mani! Geri mani acizuri ma alia yi ga awi zizaru ma dri.

⁴Ma lu ma dri ndirialeru, ma ne, te ’ba aluni nini ma ku; pari mani ma zizuri yo, ’ba asipi orindi mani ma e’yosini aluni yo.

⁵Ma owu mi vu, Yehova la; ma kini, Mi pari mani ma zizuri’i, mi vini afa maniru ’ba idriru ’diyi ma anguari’i.

⁶Mi eri wuta mani; a’disiku ’ba ma va ele tu aga ra; Mi pa ma ’ba ma inzapi ’diyi ma dria fo; a’disiku okpo yini aga okpo mani ra!

⁷Mi ma ofu ma arujoasi ra, ma nga awa’dia ’yo mi ru inzizu ani! ’Ba kililiru ’diyi nga ma ace kuru kuru; a’disiku mi nga ’ye ma dri asi ndrizasi tu.