Read lugbara Zaburi 149 Bible Online

Zaburi 149 - lugbara bible

Zaburi 149

¹Emi inzi Yehovani! Emi ngo ongo 0’diru Yehova dri, inzita erini ngozu okuza ’ba alatararu ’diyini ma alia!

²Israeli ma ovu ayikosi ’Ba yi ’Bapirisi, anzi Zionini ma ovu ayikosi Opi Amboru yinirisi!

³Yi ma inzi ru erini ongo tuzasi, yi ma ngo ongo inzitani eri dri arimva pisi o’di be!

⁴Yehovani ayiko isule ’ba erini ’diyisirisi; eri nga ’ba asi e’yere be ’diyi ’ba ndrizaru patasi.

⁵’Ba alatararu ’diyi ma ovu ayikosi tu diza alia; yi ma ngo ongo ayikosi tu pari yini lazu ’diyi ma dria.

⁶Inzita ambo uru tu Munguniri ma ovu yi ma tilia, sei si be irileirile ’diyi ma ovu yi ma dria indi;

⁷suruti ndu ndu ofezu ekile azi onzi yinirile, panga onzi ofezu suru ndu ndu ’diyi dri;

⁸opi yini pi o’izu anzirikusi, ’ba ’wara yini ’diyi ombezu emve ayaru ’diyisi;

⁹yi ofezu trotro ’ba e’yo lipirini silerile! ’Ba alatararu erini ’diyi dria ovu inzita ’diri be. Emi inzi Yehovani!