Read lugbara Zaburi 16 Bible Online

Zaburi 16 - lugbara bible

Zaburi 16

¹Mi mba ma ta fo, Mungu, mani asi mani ’bale mi a’izurisi.

²Ma ’yo Yehova tia, kini, Mi Opi maniri’i; e’yo onyiru mani yo, pe alu mi’i.

³’Ba alatararu ovupi wudrikurua ’diyi, ’ba ’diyi yi ’ba onyiru, ayiko mani ovu dria ’ba nde ’diyi ma e’yosi.

⁴’Ba Yehovani kupi Mungu andini ma ru inzipi ’diyi ma candini nga ezu karakarau; ari yini osule edetawri ma ngani osu ma’ini ku, ma ngani vini ru yini omve ma tisi ku.

⁵Yehova ovu esele mani a’ile awitaruri, erejea mani indi; mi afa mani a’ileri ma ta mba ra.

⁶Baka esele awazuri ’de ma dri angu onyiruria; adaru, awita maniri onyiru tu.

⁷Ma nga Yehovani inzi, erini ma dri imbata felerisi; adaru, asi maniri adri ma imba ini be.

⁸Ma ’ba Yehovani ma drilia ’dani; erini ovule ma dri ndiriarisi ma ngani aba ku,

⁹E’yo ’disi asi mani ovu ayikosi, orindi mani ovu vini ayikosi indi; rua maniri nga adri pari ’bani candi isuzu kuria.

¹⁰A’disiku mi ngani orindi mani ku Pari ’ba drazaniria ku, mi ngani ’ba alatararu miniri ku mazu ku.

¹¹Mi nga ma dri geri idriniri ece’i; pari mini ovuzuria ayiko ga tre, mi dri ndiria nyona indi ’dani ’dani.