Read lugbara Zaburi 18 Bible Online

Zaburi 18 - lugbara bible

Zaburi 18

²Yehova ovu kata mani, azini pari mani ma ta mbazuri, ’ba ma aripiri indi, Mungu mani, oni mani okpo be, mani nzuzu vuniari, gombere mani, o’yu pata manirini, kali mani abi be okporuri indi.

³Ma nga Yehova i sipi inzizaruri omve, ’dini ma nga ovu pazaru ari’ba mani dri ani.

⁴Baka dratani ’diyi ombe ndra ma ra, e’yo onzi yi tizaleri fe uri ma dri;

⁵Pari ’ba drazaniri ma baka ekila ma kuru kuru, emba drani ’diyi bi ma ci.

⁶Candi mani ma alia ma omve Yehovani; ma wu Mungu mani vu. Hekalu erini ma alia eri eri o’duko mani, wuta mani ca eri vu kpere bilenia.

⁷Etu ’dasi nyaku ’ye yanga, yazu ’di di di; oni izuru ’diyi ma eti oya vini yi ra, oya yi erini ovule adrasirisi.

⁸Acika efu omvulenia tu uru, aci efupi eri ma tiari ve angu ra; acikulu nga ti ko ani.

⁹Eri fe ’bu ma aku iva, eri esi va; i ini inicici idururi ovu pa erini ma etia.

¹⁰Eri tu uru kerubi dria, sa sa; adaru, eri sa mbeleru opile olirikonirisi.

¹¹Eri ede i dri ini pari erini i zizuri, hema ini ageia kuru kururi, iriti asepi iniciciru ’bua ’diyi pie, yi iniruri pie.

¹²Diza erini eri ma driliarisi iriti erini asepi iniciciru ’diyi afi ra, si pi aciolu be.

¹³Yehova no vini ’bu ma alia no no, Mungu ovupi Uru Agapi Turi no o’duko erinisi, si pi aciolu be.

¹⁴Eri ogbi ’ye erini yi erezu; adaru, ofu ovi karakarau yi odrozu.

¹⁵Etu ’dasi geri yini razu ’diyi e’da yi ra, azini nyaku ma eti e’da ce, mini egale yi ma dria, Yehova la, oli okporu lipi ava efupi mi omvulearisirisi.

¹⁶Eri pe e’yo ti ’bualesi ma ’duzu, eri enze ma yi amboruri ma aliasi.

¹⁷Eri ari ma ari’bo mani okporuri dri, ’ba ma ngupi onzi ’diyi dri indi; yi ma okponi ma ndelerisi.

¹⁸Yi e’de ma dria o’du mani ovuzu candi berisi; te Yehova fe ma so pa ci.

¹⁹Eri ofu ma ra, ofi vini ma pari amboru ma alia; eri ari ma ra, ma e’yoni eri

²⁰Yehova fe ma dri ekile onyi maniri vusi; eri ofe ma ekile ma drini ovule alarurile.

²¹A’disiku ma mba geri Yehovani ’diyi ma ta ’bo, ma kuni Mungu mani aka asi onzisi ku.

²²E’yo liza erini dria yini ovule ma miliarisi, ma zeni azita erini ’diyi ma vusi amve ku.

²³Ma aci vini kililiru eri be, ma mba ma ngulupi ma ta ma kazu e’yo onzi ’yezu ku.

²⁴E’yo ’disi Yehova ofe ma onyi maniri vusi ’bo, ekile ma drini ovule alaru eri ma miliarile.

²⁵’Ba yiki beri vu mi nga mi ece yikiru; ’ba kililiru vu indi mi nga mi ece kililiru;

²⁶’ba alatararuri vu mi nga mi ece alatararu; ’ba asi okaruri vu mi nga mi ece okporu.

²⁷A’disiku mi nga ’ba candi be ’diyi opa ra; te mi nga ’ba mile afuru be ’diyi o’be va.

²⁸Te mi nga tala mani ’i ra Yehova Mungu maniri nga ini mani oja eturu,

²⁹Te mi ma okposi ma nzu ari’ba o’biru ma eselesi; Mungu mani ma okposi ma mbu kali drilesi.

³⁰Te Mungu’i, geri eriniri kililiru; o’bi e’yo ’yoza Yehovani ’bo; eri gombereni ’ba nzupi i vu yi pazu ’diyi dri dria.

³¹Te a’dini Munguruni pe alu Yehova’i ku ya? a’dini kataruni pe alu Mungu amaniri’i ku ya?-

³²Mungu nde ma ’bapi okporu ekile baka opile anzuzurisirileri’i, geri mani ’bazu ezata kokoru.

³³Eri ma pa ede ekile yere ma pale, eri ma ’ba uru pari mani izuru ’diyi ma dria.

³⁴Eri dri mani imba omba ’bazu, eco ma drini osu molaru nzozaru ani.

³⁵Mi fe vini ma dri gombere pata minirini ’bo, dri ndi miniri edre ma uru, asi e’yere miniri ’ba ma amboru.

³⁶Mi ’ba pari mani ma pa agele ’bazu ’diyi walaru ’bo, pa mani nzoni ku.

³⁷Ma nga ari’ba mani ma vuti dro, ma nga yi isu ra; ma ngani vini ma oja vile dika ku de nga yi odrani de teketeke ku.

³⁸Ma nga yi oso lekeke lekeke, yi ngani ani eco engazaru dika ku; yi nga o’de ma palaa.

³⁹A’disiku mi anzu ma opile okpo omba ’bazurisi ra; mi ’ba ’ba engapi ma ruaa ombasi ’diyi va ma palaa ’bo.

⁴⁰Mi fe vini ari’ba mani oja yi nguku ma vuleru ’bo, ma ma ofu ’ba ma ngupi onzi ’di yi kai ani.

⁴¹Yi oga lulu, te ti, ’ba yi opapini yo, ada, yi wu Yehova vu, te eri omvini e’yo yi tia ku.

⁴²Etu ’dasi ma oco yi nyingiriki ekile irifura olini ’dulerile; ma ’be yi amve ekile okurunya geriarile.

⁴³Mi pa ma abala ’bani ’bale ’diyi ma alia ’bo; mi ’ba ma suru ndu ndu ma drilia ’bo; suru mani nile nga kuri nga azi nga ma drini.

⁴⁴Coti yini e’yo mani eriria yi nga azita mani inzi ra; ’ba jururu ’diyi nga yi o’ba va ma palaa ceni.

⁴⁵’Ba jururu ’diyi nga avi ra, yi nga efu pari yini yi zizuria rua oyaza be.

⁴⁶Yehovani idrirunini; kata maniri ma ovu inzizaru, Mungu pata manirini ma ovu ’bazaru uru,

⁴⁷Mungu ma aroti ofepiri, suru ndu ndu ’bapi va ma palaari’i.

⁴⁸Eri ma ari ari’ba mani dri; adaru, mi ma enga uru aga ’ba engapi ma ruaa ombasi ’diyi ra; mi adri ma ari ’ba ’yepi eganasiri ma dria.

⁴⁹E’yo ’disi ma nga awa’difo fe mi dri, Yehova la, suru ndu ndu ma eselia, ma nga ongo ngo ru mini inzizu,

⁵⁰Eri pata amboru fe opi iniri dri, eri yiki aleruri ece ’ba erini odu osule driniari dri, adani ’di Daudi pi dri, a’bianzi erini pie ’dani ’dani.