Read lugbara Zaburi 2 Bible Online

Zaburi 2 - lugbara bible

Zaburi 2

¹’Ba jururu yi enga adrasi a’di e’yosi ya? Azini ’ba suru ndu nduni ’diyi e’yo toko otu a’disi ya?

²Opi wudrikurua ’diyi ede yi ngonde, ’ba ’ba dri cepi ’diyi e’yo ama yi eselia, omba ’bazu Yehova be, ’ba erini odu osule driniari be indi, ’yozu kini,

³Onyiru ama ma oce afa ombeza yini, ama ma ’be baka yini ama vusi ziri.

⁴’Ba ripi ’buari nga yi ogu o gu; Yehovani nga yi onzi onzi.

⁵O’du ’dasi eri nga e’yo ’yo yi be aoko inirisi, eri nga yi ecandi adra ini okporurisi, kini,

⁶Te di ma ’ba opi mani oni alatararu mani Zioni ma dria ’bo.

⁷Ma nga e’yo azitaniri olu; Yehova ’yo ma tia, Mi ma mvi’i, andru ma ti mini.

⁸Mi zi e’yo ma tia, ma nga ’ba jururu fe mi dri mi ma yilaru, angu wudrikuruni nga ovu mini kpere kalatinini asiria

⁹Mi nga yi ogba kali ayarurisi, mi nga yi ale api ekile ’bani i imvu apilerile.

¹⁰E’yo ’dirisi, opi amboru ’diyi la, emi ma ovu di ondua be; emi ’ba e’yo lipi nyakua ’diyi ma oni e’yo.

¹¹Emi ma nga azi Yehova dri rutasi, emi ma ovu ayikosi rua yaza be.

¹²Emi ma inzi mvi nderi, eri kazu adra ’bazu ku, emi kazu dri jazu geria ku; eri ma adrani engale mbelerurisi. ’Ba dria nzupi eri vu yi pazu ’diyi yi drilebaru.