Read lugbara Zaburi 21 Bible Online

Zaburi 21 - lugbara bible

Zaburi 21

¹Opini nga ovu ayikosi okpo minisi, Yehova la; pata mini ma alia eri nga ovu ayiko be amboru ’doni ya!

²Mi fe eri dri e’yo eri asini leleri ’bo, mi gani zita eri tiliari fekokoru ku.

³Mi mu dri fuzu eri be asi ndriza onyiru turi fezu; mi su oku opiniru, edele mele alatararusiri eri ma dria.

⁴Eri zi mi tia mi ma fe idri eri dri; mi nga di fe ra, adaru, eli kakau kpere ’dani ’dani.

⁵Diza erini ovu amboru pata minirisi; mi inzita fe drinia diza opiniri be.

⁶Mi drileba turi fe eri dri ’dani ’dani; mi ayiko fe eri dri ayiko mi miliarisi.

⁷A’disiku opi ’ba asi ini Yehovani: a’izu; azini yiki aleru Mungu ovupi Uru Agapi Turinirisi eri ngani oya ku.

⁸Mi drini nga ari’ba mini isu dria ra; dri ndi miniri nga ’ba mi ngupi onzi ’diyi nda, nga yi isu ra.

⁹Mi nga yi ’ba ekile aci vepi okposirile etu mini ovuzu adrasirisi. Yehovani nga yi dri ja aoko erinirisi; acini nga yi ove kieikiei.

¹⁰Mi nga ori yini ’diyi dri ja nyakuarisi ra, mi nga a’bianzi yini dri ja anzi ’bani ma eseliasi indio

¹¹Yini lele onzi ’yele mi ruaarisi, yi ega lokiri yi asia yini ecole, ’yele kuri.

¹²A’disiku mi nga fe yi ma oja ti ngukualeru; mi njia osu mini ti ngonde isubasi yi ma mile gbizu.

¹³Mi ma ovu inzizaru uru, Yehova la, okpo minirisi! Ama’i, ama nga ani ongo ngo mi inzizu okpo miniri ma e’yosi.