Read lugbara Zaburi 22 Bible Online

Zaburi 22 - lugbara bible

Zaburi 22

¹Mungu mani, Mungu mani, mi ku ma a’disi ya? Mi ovu ma vusi re ma aza kozu ku, mi erini e’yo mani otazu aniri ku a’disi ya?

²Mungu mani la, ma wu etusi, te mi omvini e’yoni ku; ma wu vini ini be rra, te ma

³Te mi’i, mi ovu alatararu, mi’i adripi opiru inzita Israelini beri,

⁴A’bi amani ’ba mira asi yini mi dria ra; yi ’ba asi ra, mi opa yi ani ra.

⁵Yini wuria mi vu, yi opa yi ra; yini mi a’iria drinza bini yi ku.

⁶Te ma ovu o’bule, ma ovuni ’bale ku; ajidimararu ’ba eselia, ’ba ’ba ma toko.

⁷’Ba dria ma ndrepi ’diyi yi inza ma dri ogutasi, yi eju ti yini, yini yi dri oyaria, kini,

⁸Eri ati i Yehova vu; eri ma pa eri ani, eri ma pa eri ra, ava erini ka eri va tu ka!

⁹Te mi ovu ’ba ma ofupi ma andri ma opojoasiri; mi mba ma ta de ma andri ma ba ndruria.

¹⁰Ma ovu ’bezaru mi vu engazu etu mani efuzu ma andri ma opojoarisi, mi ovu Mungu mani engazu mani ovuria ma andri ma alia.

¹¹Mi ovu ma be re ku fo, candini ovule inyiarisi, ’ba ma aza kopirini ovule yorisi.

¹²Monio kakau ace ma kuru, monio okporu Basania ’diyi ovu ma ageia ci;

¹³yi tile zi ma vu walaru, ekile kami owupi abirisirile.

¹⁴’Ba osu ma ekile yile, fala mani dria efu pari yi ecizuriasi; asi mani oja i menemeneru ekile oderile, akazu dorodororu fi mani ma alia;

¹⁵okpo mani de i ekile imvu irikorurile, andre mani bi ma tilia ci a’wiru; mi cii ma irifura draniri ma alia ’bo.

¹⁶Te oce ace ma kuru ’bo; ’ba e’yo onzi ’yepi ongulumuru ’diyi ovu ma ageia; yi odi ma dri pi pa be

¹⁷ma eco fala mani alu alu ma kalafe lazaru driayi mile su ma ruaa okposi;

¹⁸yi bongo mani awa yi ma eselia, yi koti mani ’be odrisisi.

¹⁹Te mi ma ovu ma be re ku fo, Yehova! i Mi’i aza koza maniri la, mi emu ma eka mbeleru!

²⁰Mi ari idri mani sei sia, mi ari idri mani leleri okpo oceni indi!

²¹Mi pama kami tilia,adaru o’yu odruni siarisi mi omvie’yo ma tia’bo.

²²Ma nga ru mini olu ma adripi ’diyi ma tia; ma nga mi inzi ’ba ongulumuru ma eselia:

²³Emi’i ’ba Yehovani rupi ’diyi, emi ma inzi eri ra! emi’i anzi Yakoboni dria, emi ma fe diza eri dri; emi anzi Israelini dria, emi ma ru eri inzitasi!

²⁴Erini candi ’ba yini inzalerini ngule ku, ’bale toko kurisi; erini vini mile zile erisi kurisi, te eri ka wu eri vu, eri eri ra,

²⁵E’yo minisi ma ovu inzita be ’ba ongulumuru kakau ma eselia; ma nga oyo mani sole ’diyi ’ye ’ba eri rupi ’diyi ma milia ra.

²⁶’Ba e’yere ’diyi nga nyaka nya, yi nga tra ra; ’ba Yehovani ndrupi ’diyi nga eri inzi Asi emini ma adri ’dani ’dani!

²⁷’Ba ovupi wudrikuru ma kalatini asizuria ’diyi dria yi nga e’yo nde ega, nga ani yi asi oja Yehova vu; ’ba jururu ma suru dria nga inzi mi ma palaa.

²⁸Opi nyazani ovule Yehovanirisi, eri ovu opiru suru ndu ndu ma dri cepiri indi.

²⁹’Ba dria yi ipipi nyakua ’diyi nga nya, yi nga runi inzi indi; ’ba dria ngapi mvipi irifuraa ’diyi nga kumuti osi vunia indi, adaru, ’ba ecopi orindi yini ma ta mbapi idriru ku ’diyi nga kumuti osini.

³⁰’Ba ma ori vile ’diyi nga azi nga eri drini; ’ba nga e’yo Opini olu anzi yini ma anziazi ’diyi dri,

³¹yi nga emu onyi erini ece ’ba yini ngale otile ndo ’diyi ma tia, kini eri ’ye e’yo nderini.