Read lugbara Zaburi 24 Bible Online

Zaburi 24 - lugbara bible

Zaburi 24

¹Nyakuri Yehovani, afa alenia ’diyi pie dria, angu wudrikururi vini erini, ’ba alenia ’diyi pie dria;

²erini eri ’bale miri driarisi, eri fe eri so pa okporu yi aliru ma dria.

³A’dini nga tu oni Yehovaniri ma driani ya? A’dini nga pa so pari alatararu eriniri ma aliani ya?

⁴Eri’i ovupi dri ondi kokoruri be azini asi alaru be, i ma asi engapi e’yo toko toko ’diyisi ku, oyo sopi lokirisi kuri nga tu, nga pa soni.

⁵Eri nga asi ndriza isu Yehova vu, azini onyi engapi Mungu pata erini fepiri vuri.

⁶’Di suruti ’ba eri ndrupi ’diyini, yi ’ba mi mile ndapi ’diyi, mi Mungu Yakoboniri lao

⁷Emi enga emi dri uru, emi kalitile! emi ma ovu engazaru uru, emi jotile ’dani ’dani ’diyi! Opi dizaniri nga efi ani.

⁸Opi dizaniri a’di’i ya? Yehova okporu tori, Yehova ovupi okporu omba aliari’i!

⁹Emi enga emi dri uru, emi kalitile! e, emi ma enga emi dri uru, emi lotile ’dani ’dani ’diyi! Opi dizaniri nga efi ani.

¹⁰Opi dizani ’diri eri a’di’i ya? Yehova asikari ongulumuruniri, eri Opi dizaniri’i!