Read lugbara Zaburi 26 Bible Online

Zaburi 26 - lugbara bible

Zaburi 26

¹Mi li e’yo mani, Yehova la, mani acile e’yo mani kililiruri ma alia ’borisi, ma ’ba vini ma asi Yehovani a’izu yakokoru.

²Mi o’bi ma, Yehova la, mi nda e’yo mani indi; mi o’bi asisile mani pi ma asi, be.

³Leta mini yiki berini ovule ma miliarisi, azini mani acile e’yo adaru miniri ma alia ’borisi.

⁴Ma rini nga ’ba inzoru ’diyi be ku, ma ngani vini fi ’ba ’ba icipii lokirisi ’diyi be tualu ku.

⁵Ma ngu ’ba onzi ’yepi ’diyi ma, okuza onzi, ma ngani ri ’ba onzi ’diyi be ku.

⁶Ma nga ma dri oji mani ovuria e’yo liza ma driari kokoru, ’dini ma nga pari edeta edezu mi driri eci kuru, Yehova la,

⁷ma ma fe ani awa’difo mi dri o’dukosi ’yeta mini tali be ’diyi ma e’yo ecezu dria dria.

⁸Yehova, jo mini ovuzuri ma avani ma va tu, pari nde mi dizani ovuzuri’i.

⁹Mi we ma orindi ’ba e’yo onzi ’yepi ’diyi be tualu ku, mi we idri mani ’ba ’ba fupi ari be ’diyi be ku indi;

¹⁰’ba ’diyi ma dria azi onzi ci, yi ma dri ndi ga afa feza ’ba ti razu ’diyisi tre.

¹¹Te ma’i, ma nga aci asi mani adaruri vusi; mi onze ma, mi ovu yikisi ma vu indio!

¹²Ma pa so pari senderuria; ma nga inzita fe Yehova dri ’ba ongulumuru ma eselia.