Read lugbara Zaburi 27 Bible Online

Zaburi 27 - lugbara bible

Zaburi 27

¹Yehovani diza mani azini pata maru; ma nga a’di ru ya? Yehovani idri mani ma okpo; ma nga ovu urisi a’eli ma e’yosi ya?

²Etu ’ba e’yo onzi ’yepi ’eliyini za ma ruaari nyazurisi, yi ari’ba mani, omba ’bapi ma vu ’diyi, yi aba aba, yi o’de va.

³’Ba o’biru ka tro yi ma hema aso tezu omba ’bazu ma be ti, asi mani ngani ovu urisi ku; ’ba ka tro enga ma ruaa ombasi ti, etu nderisi ma nga ovu asi tezasi.

⁴Ma zi e’yo alu Yehova ma tia ’bo, ma nga e’yo nderi nda ’dani; kini ma ma adri jo Yehovani ma alia o’du mani adrizu idriru ’eliyisi dria, ma ma ndre ndriza Yehovani ani, ma ma zi e’yo tinia hekalu erini ma alia indi.

⁵A’elisiku eri nga ma ta mba nelindiru hema ini ma alia etu candinirisi; eri nga ma zi pari zizaru hema iniri ma aliaria, eri nga ma enga uru ’bazu oni ma dria.

⁶Ka’dini curu’do yi nga ma dri enga uru aga ari’ba ovupi ma ageia ’diyi ra; ma nga edeta ayikoni ’diyi fe hema erini ma alia; ma nga ongo ngo, awa’dini ma nga ongo ngo Yehovani inzizu.

⁷Mi eri, Yehova la, mani woria: o’dukosi, mi ovu ma vu yikisi indi, mi omvi ma tia fo!

⁸Mini ’yoria kini, Emi ma nda: mile mani ndrezu, asi mani ’yo mi tia kini, Ma nga mi mile ga, Yehova.

⁹Mi zi mi mile masi ku; mi ze ati’bo mini amve aokosi ku fo. Mi ko ndra ma aza ra; mi ma ’be ma amve ku, kani mi ku ma ku, mi Mungu pata fepi ma driri la!

¹⁰Ma ati pini ma kule ma andri be ’borisi, te Yehovani nga ma ’du ezozuni.

¹¹Mi imba ma geri minirisi, Yehova la; mi ce ma dri geri i e’dapi kililirurisi ari’ba mani ma e’yosi.

¹²Mi fe ma ’ba jururu engapi ma ruaa ’diyi dri yi ma ’ye ani ma vu yi ma asini lelerile ku; a’disiku ’ba e’yo eti inzoru nzepi ’diyi enga ma ruaa ’bo, ’ba ava adraru ’yapi asi onzisi ’diyi enga indi.

¹³Ma ka ndra a’i ku kini ma nga e’yo onyiru Yehovani ndre angu ’ba idriru ’diyiniria, te’do idri mani fu ’bo!

¹⁴Mi te Yehovani; I mi ovu okpo be, mi te asi okporu agupinisi; awa’dini, mi te Yehovani!