Read lugbara Zaburi 28 Bible Online

Zaburi 28 - lugbara bible

Zaburi 28

¹Ma nga wu mi vu, Yehova; kata maniri la, mi ovu ma vu ’ba e’yo eripi kurile ku, ma kazu ecazu ekile ’ba sipi ’bilearile ku, mi ka nga oji ciri ma driria.

²Mi eri o’duko mani, mani matu ’bazu mi vuri, mani wuria mi vu, mani ma dri engaria pari alatararu mini e’yo ecezaniri vu.

³Mi se ma amve ’ba onzi ’diyi be ku, mi se ma ’ba e’yo onzi ’yepi ’diyi be ku indi; ’ba nde e’yo asi anzuruni ’yopi ’ba yi aku ejelea ’diyi be de lokiri yi asia ci ’diyi.

⁴Mi ofe panga yi dri azi yini vusi, ’yeta yini onzikanyaru vusi indi; mi ofe yi dri azi yi ma drini ’yeleri vusi; mi ofe aroti yi dri, dri fupi e’yo yini ’yeleri vusi.

⁵A’disiku yi egani ’yeta Yehovani ku, kani e’yo erini ’yele dri erinisiri ku indi, eri nga ani yi anzu va, eri ngani yi si uru ku.

⁶Yehova ma ovu inzizaru, erini matu ’baza mani ’bale eri vu o’dukosiri erile ’borisi!

⁷Yehovani okpo mani, gombere mani indi; ma ’ba ndra ma asi eri a’izu, te di eri ko ma aza ’bo; e’yo ’disi asi mani ovu ayikosi tu, ma nga eri ma ru inzi ongo manisi.

⁸Yehovani okpo yini, eri pari okporu pataniri ’ba erini odu osule driniari dri.

⁹Mi pa suru mini, mi fe asi ndriza yila mini’diyi dri fo; mi ma fe nyaka yi dri, yi ’duzu jizu ’dani ’dani.