Read lugbara Zaburi 29 Bible Online

Zaburi 29 - lugbara bible

Zaburi 29

¹Emi ma fe Yehova dri, emi ’ba ambo ’diyi ma anzipi, emi ma fe Yehova dri diza pi okpo be.

²Emi ma fe Yehova dri diza dri fupi ru erinisiri; emi ma inzi Yehova rua ndriza e’yo alatararurinisi.

³O’duko Yehovani ovu yi mirini ma dria; Mungu dizaniri no no, eri Yehova’i, yi kakau ma dria.

⁴O’duko Yehovaniri okpo be, o’duko Yehovaniri ga diza opinirisi tre.

⁵O’duko Yehovaniri eri mario onyo ra, ada, Yehovani adri mario Lebanonia ’diyi onyo nyingiriki,

⁶Eri fe vini yi ombu kolitaani ombulerile, Lebanoni pi Sirioni be ombu ekile odrumvale.

⁷O’duko Yehovaniri aci ma andre awa nyaru nyaru ndu ndu.

⁸O’duko Yehovaniri angu roko driari oya oya, Yehovani roko Kadeseari oyani.

⁹O’duko Yehovaniri fe etu ’dasi yere pini tizu ra, eri fe vini pati oce alia’diyi ma bini lu va dria dria; hekalu erini ma alia afa dria ’yo, Dizani!

¹⁰Ewu Yi Tiza ngarerisi Yehova ri ndra opiruni; awa’dini, Yehovani ri opiru ’dani ’dani.

¹¹Yehovani nga okpo fe ’ba erini ’diyi dri! Yehovani nga ovu asi ndriza be suru ini vu, asi anzuru fezu yi dri!