Read lugbara Zaburi 3 Bible Online

Zaburi 3 - lugbara bible

Zaburi 3

¹Yehova la, ari’ba mani yi ezu tu ’doni ya! ’Ba engapi onzi ’yezu ma ruaa ’diyi yi karakarau;

²’ba karakarau ’yo idri mani ma e’yosi kini, Mungu koni eri ma aza aluni ku.

³Te di, Yehova la, mi ovu gombere ma a’bupiri, diza mani, azini ’ba ma dri engapiri indi.

⁴Ma owu Yehova vu o’dukosi, te eri adri e’yo omvi ma tia engazu oni ini alatararuria.

⁵Ma la va, ma ko o’du ra; ma oro ra, Yehovani ma dri okpo felerisi.

⁶Ma ngani ’ba alifu mudri yi okupi tualu ma ageia onzi ’yezu ma ruaa ’diyi ru ku.

⁷Mi enga, Yehova la! Mi pa ma fo, Mungu mani! A’disiku mi sa ari’ba mani dria o’boloa, mi nyo ’ba onzi ’diyi ma si ’bo

⁸Pata ovu Yehovani; asi ndriza miniri ma ovu ’ba mini ’diyi ma dria!