Read lugbara Zaburi 30 Bible Online

Zaburi 30 - lugbara bible

Zaburi 30

¹Ma nga mi ru inzi uru, Yehova, mini! ma engale uru ’borisi, mini kule ari’ba mani ma ovu ayikosi yini ma agale rarisi kurisi.

²Yehova Mungu mani la, ma wu ndra mi vu, mi ati di ma rua ani ’bo.

³Yehova la, mi enga orindi mani uru Pari ’ba drazaniri ma aliasi ’bo, mi mba ma ta idriru ma kazu esizu va ’bile ma alia ku.

⁴Emi ngo ongo inzitani Yehova vu, emi ’ba alatararu erini ’diyi la, azini emi fe awa’difo ru erini alatararurisi.

⁵A’disiku aokoni adri eri nya etu were a’dule, te asi ndriza eriniri ovu ewu ’bani ovuzu idrirurisi dria. Awu ka eca ovuzu ini rra ti, te ayikoni nga eca o’bitisi ra.

⁶Te ma’i, de mani ovuria drilebare, ma ’yo kini, Ma ngani oya ’dani ’dani ku.

⁷Yehova la, asi ndriza minirisi mi fe oni manini pa sozu okporu; mi zi ndra mi mile ra, ma isu ani candi.

⁸Ma wu ndra mi ve, Yehova; ma ’ba ndra ma vu, Yehova vu kini:

⁹Orodri ari mani ma alia ngonini, mani siria va ’bile ma alia ya? rifurani nga mi ru inzi ra ya? Eri nga e’yo adaru miniri eceni ya?

¹⁰Mi eri, Yehova, mi ovu ma vu yikisi fo! Yehova, mi ko ma aza fo!

¹¹Mi oja ma dri imvo mani ongo tuza ayikoniru; mi ayu koliba mani ma ruaasi ’bo, mi a’di ayiko ma opilea ’bo,

¹²asi maniri ma ngo ongo mi ru inzizu ani beni, ma ovu ciri ku. Yehova Mungu maniri la, ma nga awa’difo fe mi dri ’dani ’dani.