Read lugbara Zaburi 38 Bible Online

Zaburi 38 - lugbara bible

Zaburi 38

¹Yehova, mi ega ma dria aoko minisi ku fo, mi co ma asi veza minisi ku!

²’Ye mini yini awile ma ruaa kirikiririsi, azini dri minini ma anzile okporurisi.

³Ma rua ma onyi yo, eca dria o’ungurukuru adra mini ma e’yosi; fala mani ma okponi i de e’yo onzi mani ma e’yosi indi.

⁴A’disiku ezata mani aga di ma drilesi uru tu; yi ovu ekile teri nzizaru turile, zo ma kai ra.

⁵Bile ma ruaa ’diyi ngu onutururu, yi vini amaru indi, aza mani ma e’yosi.

⁶Ma ruani sule turisi ma avu va ra; ma aci awu be tia etu zu.

⁷Opile mani dri dri acile, ma rua ma onyi yo, eri dria o’ungurukuru.

⁸Ma tolokporu rua drozaru be; ma otre tu asi otiza manisi ra.

⁹Opi la, e’yo mani leleri ovu mi milia dria, wuta mani olizuri ovuni zizaru misi ku.

¹⁰Ma culuni ’ye ’du ’du ’du, ma okponi vini i de de; diza ma mileni de i ma dri ’bo.

¹¹’Ba ma lepi ’diyi yi pa oso kalaaleru azo mani ma e’yosi, ma agyi pie dria, ori’bamani ’diyiosovini paziri.

¹²’Ba ndapi idri mani fupi ’diyi yi emba yini o’be ma bizu, ’ba ndrupi ma ’yepi onzi ’diyi yi e’yo onzi ’yo ’dani, yi e’yo lokiriruri ega etu zu.

¹³Te ma’i, ma ovu ekile ’ba bile be dirinyarurile, ma erini ku, ma ovu ekile ’ba ndindiru ti zipi kurile.

¹⁴Adaru, ma ovu ekile ’ba e’yo eripi kurile, e’yo omviza agataru be tilia yorile.

¹⁵Te ma mi te asi tezasi, Yehova la; mi’i, Opi Mungu mani la, mi nga e’yo omvi ra.

¹⁶Te ma ’yo ra kini, Yi kazu ovuzu ayikosi e’yo manisi ku; ma pani nzoria, yi kazu engazu ma ruaa afusi ku!

¹⁷A’disiku ma ’ye e’de e’de, azini candi mani ovu ma drilia ’dani.

¹⁸Ma nga ezata mani e’da ra, ma nga ovu candisi ezata mani ma e’yosi.

¹⁹Te ari’ba mani yi kirigbiliru, yi ovu okporu tu, azini ’ba ma ngupi e’yo kokoru ’diyi ma kalafe ezu tu.

²⁰’Ba azi onzi omvipi azi onyiru ma paria ’diyi ovu ari’ba mani, mani e’yo onyiruri ma vuti bile’irisi.

²¹Mi ku ma ku fo, Yehova Mungu mani la, mi ovu ma vusi ziri ku:

²²Mi ko ma aza mbeleru fo, mi Opi, pata maniri la!