Read lugbara Zaburi 39 Bible Online

Zaburi 39 - lugbara bible

Zaburi 39

¹Ma ’yo ra, Ma nga geri mani ma agei te, ma kazu e’yo ezazu andre manisi ku; ma nga ti mani ma ta mba ’bani akanya ma ti ombelerile, de ’ba onzini ovuria ma drilia.

²Ma oji ciri, ma adri ndi, ma ’yoni e’yo ku, ka tro e’yo onyiruni ti; candi enga ma asia ra,

³asi mani ve ma alia tu. Mani asisile droria, ad ko tini; ma ’yo di e’yo ma andresi ani kini:

⁴Yehova, mi fe ma ma ni asiza mani, o’bi o’du ma dri ngopi ya; mi fe ma ma ni okpoako mani eri ngoni yari!

⁵Mi ndre, mi ede o’du mani ovuzu were ’dipi ekile ’bani o’bile drisirile, ewu mani ovuzu idriruri ovu mi milia afa tokole. Ada, ’ba dria alu alu ma e’yo ka pa so kirikiri ti, yi ovu olile toko.

⁶Ada, ’ba dria ad endrilendrile! Yi yi ecandi oye ada; eri lonyi oku iniru, te nini a’dini nga nyani yari ku!

⁷Te di, Opi, ma a’di e’yo te ya? E’yo teza mani ovu mi alia.

⁸Mi pa ma ezata manisi dria. Mi ’ba ma ajidiraru ’ba ondua kokoru ’diyi ma milia ku fo!

⁹Ma adri ndi, ma zini tile mani ku; mini e’yo nde ’yele mi’irisi.

¹⁰Mi ku ma coko ja; okpo mani de i ra mi drini ma colerisi.

¹¹Mini egaria ’ba dria yi ma asi omizu e’yo onzi yinisi, mi rua ndriza erini fe avizu ekile bongo odukoduni mbelerile; ada, ’ba dria yi alu alu ovu olile toko!

¹²Mi eri zita mani, Yehova, mi co bile wuta mani erizu; mi adri ciri ma mindreni raria ku fo! Mani ovule mini ani’bonirisi, ma ’ba acipi acini ekile ma a’bipi driani ndra ovulerile.

¹³Kirikiri mi ku ma fo, ma ma isu okpo dika ani beni, de nga ma ngani ’ doarisi ovuzu dika yo ku!