Read lugbara Zaburi 4 Bible Online

Zaburi 4 - lugbara bible

Zaburi 4

¹Mi omvi e’yo ma vu mani wuria mi vu, Mungu onyi fepi ma driri la! Mani ovuria ocoko ma alia, mi ayu ma ra. Mi ma ovu yikisi ma vu, mi eri zita mani zile mi tiari fo.

²Emi anzi ’bani, emi nga diza mani oja drinzaru ewu ngopi ya? Emi nga e’yo toko toko ’diyi le, nga vini e’yo inzoru nda ewu ngopi ya?

³Te di emi ma ni ra kini Yehova ’ba ’ba Mungu inzipi ’diyi i ma ngulupiniru ’bo; Yehovani nga ma eri mani wuria eri vu.

⁴Emi ma ovu urisi, emi ma eza ku; emi ma ega e’yoni emi ma asia emini laria gbolo dria, emi ma adri ciri.

⁵Emi ma fe edeta onyiru ’diyi, emi ma ’ba emi asi Yehovani a’izu.

⁶’Ba karakarau ’yo ’dini kini, Ama ka te eco e’yo onyiru ndrezaru, ’yeke fo! Yehova, mi fe diza mi andretiniri ma ’i angu ama vu fo

⁷Mi ’ba ayiko ma asia ’bo aga ’bani isule etu yi ma anyani kazu tu, patiefi suni vini ovuzu turisiri ra.

⁸Ma nga la va, o’duni nga ma ’be coti asi otiza kokoru; a’disikumi’i, Yehova,mia’dule mba ma ta candi kokoruni.