Read lugbara Zaburi 41 Bible Online

Zaburi 41 - lugbara bible

Zaburi 41

¹’Ba ’ba alioru ma e’yo egapi yikisiri eri drilebaru! Yehovani nga eri ari etu candinirisi;

²Yehovani nga eri agei te, nga eri ma ta mba idriru; eri nga asi ndriza isu nyakua ra; mi ku ari’ba erini ma ’ye eri yi asini lelerile ku.

³Yehovani nga eri ati uru erini laria azosi gbolo erini ma driaria; etu erini ovuzu azorunsi, mi pari erini ede ra.

⁴Ma ’yo ra, Yehova, mi ovu ma vu yikisi fo; mi ati orindi mani, mani e’yo onzi ’yele mi vu ’borisi!

⁵Ari’ba mani yi e’yo onzi ’yo ma ruaa kini: Eri nga dra a’dungare ya, eri ma runi nga avi a’dungare ya?

⁶Te eri ka emu ma ndrezu, eri e’yo toko ’yo, asi erini e’yo onzi oku i vu; erini furia amve, eri e’yo nde eku ra.

⁷’Ba ma ngupi onzi ’diyi dria e’yo nze ma ruaa oyokolosi; yi ovu e’yo ma ruaa ma ’yezu onzi.

⁸Yi ’yo kini, Dra onzi ebi i eri ruaa ci; eri la va ’bo, eri ngani di asi enga dika ku.

⁹Ada, agyi ma vile mani a’ile kini eri ’ba adani, enya mani nyapiri, enga i ma paedu ma atuzuni.

¹⁰Te mi’i, Yehova la, mi ovu yikisi ma vu, mi enga ma uru fo, ma ma ofe aroti yi dri ani!

¹¹Ma nga ni mi ayikosi masiri geri ’disi, ari’bo manirini ma agale kurisi.

¹²Te ma’i, mi adri ma edre uru e’yo mani kililiruri ma alia, mi ’ba ma ovuzu mi milia ’dani ’dani.

¹³Yehova Mungu Israeliniri ma ovu inzizaru, engazu okokelekelerisi cazu kpere ’dani ’dani! Amena, azini dika Amena.