Read lugbara Zaburi 42 Bible Online

Zaburi 42 - lugbara bible

Zaburi 42

¹Yereni yi raza lele avasirile,’dini asi mani le mi avasi, Mungu.

²Mungu ma ava va ma asi tu, Mungu idriruri’i. Ma nga mu ma e’da Mungu ma milia a’dungare ya?

³Mindre mani ovu nyaka maniru etusi ini be dria, yini ’yoria ma tia ’dani kini, Mungu miniri ngoa ya?

⁴Ma e’yo ma asiari nze avasi, mani e’yo ’diyi egaria, kini, ma mu ncira ’ba ongulumuru be, yi dri cezu jo Munguniria, o’duko ayikoru inzitanirisi, ’ba ongulumuru ’diyini ava liria 0’du alatararurisi.

⁵Asi mani la, mi ava ori ra a’disi ya? Ma asi oti ma alia tu ’doni a’disi ya? Mi ma ovu di asi tezasi Mungu vu; a’disiku ma nga kiri eri inzi ra, erini ma aza kolerisi; eri Mungu mani.

⁶Mungu mani la, ma ava oti ma alia ra, e’yo ’disi ma ega e’yo mini ani engazu angu Yoridani ma aliasi, azini Herimoniasi, azini vini oni Mizari ma driasi indi.

⁷Yi aliruri yi aliru aziniri omve oliriko mini yi mirini engapi piripiri ’diniri ma o’dukosi; yi mini mbupi mbu mbu ’diyi, yi adipi adiri be, yi dria dria aga ma drilesi ’bo.

⁸Te Yehovani nga leta erini yiki beri azi etusi; inisi indi ongo erini nga ovu ma be ra, adaru ongo nde eri zitani, e’yo zizu Mungu idri fepi ma driri ma tiari’i.

⁹Ma nga ’yo Mungu kata maniri ma tia kini, Mi dri avi e’yo manisi a’disi ya? Ma aci awu be ari’bani ma inzalerisi a’disi ya?

¹⁰Ari’ba mani yi ma o’da ra, o’data nderi ekile sei fipi kpere ma falaarile, yini ’yoria ma tia ’dani ’dani kini, Mungu miniri ngoa ya?

¹¹Asi mani la, mi ava oti ra a’disi ya? Ma asi oti ma alia tu ’doni a’disi ya? Mi ma ovu di asi tezasi Mungu vu; a’disiku ma nga kiri eri kolerisi; eri