Read lugbara Zaburi 43 Bible Online

Zaburi 43 - lugbara bible

Zaburi 43

¹Mi li e’yo mani ’yeke, Mungu, mi ko ma aza e’yo mani suru Mungu inzipi kuri beri ma alia; mi pa ma ’ba lokiri be e’yo kililiru lepi kuri ma dria! fo!

²Mi ovu Mungu okpo fepi ma driri’i; mi ’be ma amve a’disi ya? Ma aci awu be ari’ba manini ma inzalerisi a’disi ya?

³Mi epe diza mini pi ma ti, e’yo adaru miniri be fo; yi ma ce ma drini, mi fe yi ma ii ma oni mini alatararuria, kpere hema miniria indi!

⁴Ka’dini ma nga di mu pari edeta edezu Munguniria, Mungu ayiko mani amboruri vu; te ma nga mi inzi o’di cozasi, Mungu la, mi Mungu maniri’i.

⁵Asi mani la, mi ava oti ra, a’disi ya? Ma asi oti ma alia tu ’doni a’disi ya? Mi ma ovu di asi tezasi Mungu vu; a’disiku ma nga kiri eri inzi ra, erini ma aza kolerisi; eri Mungumani.