Read lugbara Zaburi 44 Bible Online

Zaburi 44 - lugbara bible

Zaburi 44

¹Ama eri ama bilesi ’bo, Mungu, a’bi amani imba mira ama ra, azi amboru ngopi ya mini ’yele ewu yinisi o’du andra drio ’diyisiri ma e’yosi:

²mi odro ndra suru ndu ndu ’diyi, dri minisi, te mi ofi ’ba ’diyi ra; mi inza ’ba jururu ’diyi, te mi ere ’ba ’diyi yi ma paria;

³a’disiku yi ’duni angu nde yiniru sei yi vilerisi ku, yi ma ngulupi ma wu pani yi ku; te dri ndi miniri, wu miniri be, azini andreti mini yi vu dizaruri pa yini; mini ovule yi vu asi ndrizasirisi.

⁴Mi’i, mi Opi mani, Mungu la, mi azi Yakoboni ari’ba ndezu.

⁵Ama nga ari’ba amani oze va misi; mi rusi ama nga ’ba engapi ama ruaa ’diyi otu pasi va.

⁶A’disiku ma ngani asi mani ’ba osu mani ma dria ku, sei maniri ngani vini ma pa ku indi.

⁷Te mi pa ama mi’i, ari’ba amani ma driasi ’bo, azini mi fe drinza ’ba ama ngupi onzi ’diyi dri ’bo indi.

⁸Ama enya ama Mungu ma aliarisi etu dria, ama nga awa’difo fe ru mini dri ’dani ’dani.

⁹Te di ti, mi ’be ama amve, mi fe ama nya drinza ’bo, mi acini muzu asikari amani ongulumuru ’diyi be curu’do ku.

¹⁰Mi fe ama ti co vile ari’ba amani ma drilia; azini vini ’ba ama ngupi onzi ’diyi opa afa amani yiniru.

¹¹Mi ’ba ama ekile kabilo ’bani ngale olile zarurile, mi ere ama ’ba jururu ma eselia ’bo.

¹²Mi fe ’ba mini ozizu ’ba azini dri tokoru, lonyi mini ezuni i aje yinisi ku.

¹³Mi ’ba ama a’danaro ’ba ama aku ejelea ’diyi dri, mi ’ba ama oguta afuru edemararu ’ba ovupi ama ageia ’diyi dri indi.

¹⁴Mi ’ba ama ajidiraru ’ba jururu eselia, dri oyazuru suru ndu ndu ma eselia indi.

¹⁵Inzitaako mani ovu ma milia etu zu, drinza a’bu ma mile ci,

¹⁶’ba ma dri inzapi o’datasiri ma o’dukosi, ari’bo pi ma e’yosi ’ba aroti ofepiri be.

¹⁷E’yo ’diyi dria eca ama ruaa ra, te ti, ama dri avini misi ku, ama ’yeni lokirisi aziza minirisi ku indi.

¹⁸Asi amani ojani i vile ku, pa amani acini saaru geri mini kuzu ku indi,

¹⁹mi ka tro ndra ama onyo pari obalakoni ma alia ama a’buzu dra ma endrilendrisi ti.

²⁰Mungu amani ma ru ka ndra avi ama dri ra, kani ama ka ama dri eju adrou jurururi vu,

²¹Mungu ngani e’yo ’diri ma efi ndru ku ya? A’disiku eri e’yo ’bani zile yi asia ’diyi ni ra.

²²Ada, e’yo minisi ’ba yi ama ofu etu zu, yi ma milia ama ovu ekile kabilo yini lele olile oli ’diyile.

²³Mi oru, Yehova la! Mi o’du ko a’disi ya? Mi enga! Mi ’be ama amve ’dani ’dani ku!

²⁴Mi zi mi mile a’disi ya? Mi dri avi candi amanisi inzata amani be a’disi ya?

²⁵Asi amani avu va kpere irifuraa; ale amani ebi i nyaku be tualu ci.

²⁶Mi enga ama aza kozu! Mi onze ama yiki mini aleruri ma e’yosi fo!