Read lugbara Zaburi 47 Bible Online

Zaburi 47 - lugbara bible

Zaburi 47

¹Emi sa emi dri, emi suru ’diyi dria la! Emi oyu Mungu vu o’duko uru a yikonirisi!

²Yehova Uru Agapi Turini ovule inzita be uriuriru turisi, eri ovu Opi amboru nyaku dria ma drilia.

³Eri nga suru ndu ndu o’ba va ama palaa, nga suru ambo ambo ’diyi o’ba ama pa ageleru indi.

⁴Eri nga afa awurusoru amani pe ama dri, afa onyiru tu Yakobo erini leleriniri.

⁵Mungu mu uru otreta amboru be ’bo, Yehova mu guka awu be.

⁶Emi ngo ongo inzitaru Munguni inzizu, emi ngo inzitasi! Emi ngo ongo Opi amaniri inzizu, emi ngo inzitasi!

⁷Munguni ovule Opi wudrikuru drianirisi; emi ngo ongo eri inzizu onduasi!

⁸Mungu ovu opiru suru dria ma drilia; Mungu ri oguna ini alatararu opiniri ma dria.

⁹Opi suruni ’diyi oku yi tualu ovuzu Mungu Iburahimuniri ma ’baru. A’disiku gombere nyakua ’diyini ovule Mungunirisi; eri ovu uru aga ra!