Read lugbara Zaburi 48 Bible Online

Zaburi 48 - lugbara bible

Zaburi 48

¹Yehovani amboru, ’ba ma inzi eri tu Mungu amani ma aku amboruri ma alia, oni erini alatararuria.

²Oni Zioni ovu uru, nezaru ndrizaru to, ayiko fezu angu wudrikuru dria dri, kala andralaruria, eri aku Opi amboriniri’i.

³Mungu fe i ovu nizaru ’ba opi vile joa ’daa ’diyi dri kini eri ovu kali ’bani yi pazu aleniari’i.

⁴Te mi ndre, opi oku yi ra, yi aga dria tualu,

⁵Yi ndre e’yoni ra, yi osu di ani tu, yi ma asi oti tu, yi apa mbele;

⁶yi rua ya ya pari nderia, yi rua su tu,ekile oku mvaazoni e’dulerile.

⁷Mi oguru Tarisisia ’diyi onyo oli engapi etuni efurialerurisi.

⁸Ekile amani erile ’borile, ’dini indi ama ndrera aku Yehova asikari ongulumuruniriniri ma alia, aku Mungu amanirini ma alia; Munguni nga fe erini pa sozu okporu ’dani ’danini.

⁹Ama dro asisile yiki mini aleruri ma dria, Mungu la, hekalu mini ma alia.

¹⁰Ekile mi runi kulerile, Mungu la, ’dinile indi ’ba yi mi inzi kpere angu ma kalatini asizuria. Mi dri ndi ga tre onyisi;

¹¹Oni Zioni ma ogu ayikosi! Yuda ezopi ma ovu ayikosi e’yo liza mini kililiru ’diyisi!

¹²Emi aci Zioni ma ageia, emi eci ageini kurukuru, emi la jo erini izuru ’diyi ma kalafe,

¹³emi ama kali erini abi be okporu ’diyi, emi fi zozu jo erini opini ’diyi ma alesi; ’dini emi ma nga e’yoni ece ani mi anzi ma anziazi ’diyi dri beni.

¹⁴A’disiku Mungu ’diri ovu Mungu amani ’ dani ’dani; eri nga ama dri ce ’dani kpere dra tiani.