Read lugbara Zaburi 50 Bible Online

Zaburi 50 - lugbara bible

Zaburi 50

¹Mungu, adaru Mungu Yehova’iri ’yo e’yo ’bo, eri omve angu wudrikuru dria engazu pari etuni efuzuria cazu pari etuni ’dezuria.

²Mungu di diza inisi engazu Zioni gapi ndrizasi treriarisi.

³Mungu amaniri nga emu ra, ngani O ciri ku; acini nga angu nya eri ma drilia, olirikoni nga angu li eri ma ageia okposi.

⁴Eri nga ’bu ururi pi omve nyaku be, eri ma li ’ba ini ’diyi ma e’yo ani.

⁵Emi oku ’ba mani alatararu ’diyi ma vu, ’ba nde aziza azipi ma be edetasi ’diyi

⁶’Buni onyi erini eceni, a’disiku Mungu ma ngulupini nga e’yo lini!

⁷Emi ma eri, suru mani la, ma nga e’yo ’yo, Israeli la, ma nga e’yo eti nze emi ruaa. Ma Mungu, Mungu eminiri,

⁸Ma ngani ega emi dria edeta! emini ’diyisi ku; te edeta emini vele ’diyi yi ovu ma milia ’dani.

⁹Ma ngani tiago ’du lico emini ma aliasi ku, ma ngani vini ndriago bi aku emini ma aliasi ku indi.

¹⁰A’disiku anyapa oce talaa ’diyi yi dria mani, ti ovupi oni alifu ma dria ’diyi be.

¹¹Ma ni aria oni dria ’diyi alu alu dria, anyapa asea ’diyi yi dria mani.

¹²Ma ka tro ovu abirisi ti, ma ngani e’yoni ece emi dri ku; angu wudrikuru driani ovule manirisi, afa alenia ’diyi pie dria.

¹³Ma nga monio ma za nya ra ya, kani ndri ma ari mvu ra ya?

¹⁴Emi ma ede Mungu dri edeta awa’diforuri, emi ma fe afa emini oyoni sole ci ’diyi Mungu Uru Agapi Turidri;

¹⁵te emi ma omve ma etu candinirisi; ma nga emi opa ra, emi nga ani diza fe ma dri beni.

¹⁶Te ’ba onzi ’diyi ma tia Mungu ’yo ra: Mi’i, mi azita mani olu a’disi ya? Mi aziza mani ’ba mi tilia a’disi ya?

¹⁷Te mi imbata ngu onzi, azini mi adri e’yo mani ’be mi ngukua.

¹⁸Mi ka oguou ndre ra, mi a’i eri ra; mi eci mi ti ’ba ali o’bapi ’diyi be indi.

¹⁹Mi ti mini fe e’yo onzi ’yozu, andre minirisi mi e’yo lokiriruri ede.

²⁰Mi ri e’yo onzi ’yozu mi adripi ma ruaa; mi mi andri ma ngulupi ma mva o’da indi.

²¹Mi ’ye e’yo ’diyi ra, te ma’i ma adri ciri; mi ega ma ovu trotro mile e’yo driasi. Te ma nga di ega mi dria, ma nga e’yo mini ece mi drilia.

²²Te di emi ma ega e’yo ’diri, emi Munguni avipi ’diyi, ma kazu emi osizu ku, de ’ba emi papini aluni yo!

²³’Ba awa’difo ejipi edetaru ma driri eri diza fe ma dri; azini ma nga pata Munguni ece ’ba geri ini ma ta mbapi kililiruri dri ra.