Read lugbara Zaburi 53 Bible Online

Zaburi 53 - lugbara bible

Zaburi 53

¹’Ba ondua kokoruri ’yo i ma asia kini, Mungu de yo. ’Ba ’dinile ’diyi eza yi ra, yi ’ye e’yo drinzaru onzikanyaru tu; ’ba aluni e’yo onyiru ’yepini yo.

²Engazu ’buarisi Mungu lu va anzi ’bani vu, nezu kani ’ba e’yo vapiri, kani ’ba Mungu ndapiri indi yani.

³Yi dria asi vile ’bo; yi dria oja yi ondiru tualu; ’ba e’yo onyiru ’yepini yo, yo, aluni ’de yo.

⁴’Ba azi onzi ’yepi ’diyi ovu nita kokoru ya? Yi nya ’ba mani yini enya nyalerile, yi omveni Mungu ma ru ku,

⁵’Dale yi ovu urisi tu, pari ’bani ovuzu urisi kuria. A’disiku Mungu ere ’ba omba ’bapi mi be ’diyi ma fala ’bo; mi fe drinza yi dri ra, Munguni yi gale ’borisi.

⁶Pata Israeliniri ka te efu Zioniasi, ’yeke fo! Etu Munguni ngazu ’ba erini yini jile ati’baru angu azinia ’diyi omvizurisi, etu ’dasi Yakoboni nga ovu nyonasi, Israelini nga ogu ayikosi indi. (’Ba ongo dri cepiri dri o’di cozasi Imbata Daudini, etu ’ba Zifia ’diyini muzu e’yo oluzu Saulo ma tiarisi kini, Daudini zini i ama vu ku ya?)