Read lugbara Zaburi 56 Bible Online

Zaburi 56 - lugbara bible

Zaburi 56

¹Mi ovu yikisi ma vu fo Mungu, ’bani ma otule pasi varisi; etu zu ari’ba yi ma inza, omba ’bazu ma ruaa;

²etu zu ari’ba mani otu ma pasi va, ’ba omba ’bapi ma be afusi ’diyini ovule o’birurisi.

³Etu mani ovuzu urisirisi ma nga ma asi ’ba mi a’izu.

⁴Mungu ma alia ma nga e’yo erini inzi ra, ma ’ba ma asi Munguni a’izu ’bo, ma ngani ’ye urisi ku. ’Ba rua ari beri eco ma ’yezaru ngoni ya?

⁵Etu zu yi le e’yo mani onzo; asisile yini dria ovu ma ’yezu onzi.

⁶Yi oku yi tualu, yi ozi yi, yi ma pamvu acizuri olu, yini idri mani mbazu.

⁷Yi nga yi opa e’yo onzi yinisi ra ya? Mungu la, mi ogu ’ba jururu ’diyi va adra minirisi!

⁸Mi acita mani ’dile ’dole ’diyi la dria; mi ma to mindre mani kerea mini ma alia ci fo! vii sini yi buku miniri ma alia ku ya?

⁹Etu ’dasi ari’ba mani ’diyi nga ti co vile etu mani mi omvezurisi. Ma ni e’yo ’di ra, kini, Mungu ovu ma be.

¹⁰Mungu ma alia ma nga e’yo erini inzi ra, Yehova ma alia ma nga e’yo erini mzi ra,

¹¹ma ’ba ma asi Munguni a’izu ’bo ma ngani ’ye urisi ku. ’Ba rua ari beri eco ma ’yezaru ngoni ya?

¹²Ma asisile ’ba okporu oyo manii sole mi vu ’diyi ma dria yi ’yezu, Mungu la; ma nga edeta awa’diforu ’diyi fe mi dri.

¹³A’disiku mini idri mani pale dra sia ’borisi. Mi pani ma pa, ma kazu e’dezu kuru ku ya? Ma eco ani acizaru Mungu ma milia diza idriniri ma alia beni. (’Ba ongo dri cepiri dri: o’duko ongoni omvele Mi la Eri ’via Dri Kuri vusi. Zaburi Daudini, Imbatani, etu erini apazu Saulosi oni gulearisi.)