Read lugbara Zaburi 58 Bible Online

Zaburi 58 - lugbara bible

Zaburi 58

¹Emi ’ba amboru ’diyi la, emi e’yo onyiruri ’yo ada ya? Emi e’yo Li kililiru ya, emi anzi ’bani?

²Adaru, asi eminia emi e’yo onzi otu; emi dri nzi to e’yo onzisi nyakua.

³’Ba onzi ’diyi yi eza engazu andri yini ma opoasi, etu yini osizurisi coti yi aba ra, inzo lizu.

⁴Ju yini ovu uri ma jule, yi si ekile uriohulu bile kokoru cepi e’yo eripi kurile;

⁵uri nde leni ’ba osegu vupi ’diyi ma o’duko eri ku, yi ka tro osegu vu onduasi ti.

⁶Mungu, mi onyo si yini tile yini ma alia fo; Yehova la, mi onze kamianzi ma si ambo liliru ’diyi fo!

⁷Yi ma afi ekile yi etatani nzule mbelerurile; erini ’ye aperia osu ma baka tia, yi ma ovu ekile ’ba dri jale ra ’diyile.

⁸Yi ma ovu ekile etiriko i ojapi yiru afipi rarile, ekile mva e’bepi oku dri mba elipi agadua etu ndrepi kurile.

⁹De nga imvu emini drini mbele eja oci berisi ku, eri nga yi ’du amve olirikosi mbele, afa ibiru pi tualu afa vepi veri be!

¹⁰’Ba onyiruri nga di ovu ayikosi erini aroti ofeza ’diri ndrele rarisi; eri nga i ma pa oji ’ba onzi ’diyi ma arisi.

¹¹’Ba nga di ’yo ani kini, Adaru, orodri indi ’ba onyiru ’diyi dri; adaru, Mungu e’yo lipi nyakuari ci. (Ba dri cepiri dri: o’duko ongon omvele Mi Ja Eri Dri Kuri vusi. Zaburi Daudini, Imbatani, etu Sauloni ’ba ti pezu jo erini ndrezu okposi eri fuzu anirisi.)