Read lugbara Zaburi 59 Bible Online

Zaburi 59 - lugbara bible

Zaburi 59

¹Mungu maniri la, mi ad ma ari’ba mani dri fo, mi mba ma ta ’ba engapi ma ruaa ’diyi dri.

²Mi ari ma ’ba e’yo onzi ’yepi ’diyi ma driasi fo, mi pa ma ’ba ari ’bani adapi ’diyisi indi.

³Te mi ndre, yi ma mba lezu idri mani fuzu; ’ba okporu ’diyi oku yi tualu ma ruaa, Te mani ezalerisi ku, mani e’yo onzi ’yelerisi ku indi, Yehova la;

⁴yi nzu yi ’bazu ngonde, te e’yo onzi mani ’yelenirisi ku. Mi Oru mi ma aza kozu, te mi ma ndre e’yo ’diri!

⁵Te mi’i, Yehova Mungu asikari ongulumuruni, Mungu Israeliniri, mi ma enga ’ba jururu dria andrizu; mi ma ovu yikisi ’ba onzikanyaru ezata ezapi ’diyi vu aluni ku.

⁶Yi adri emvi ondresi, yi egbe oceni egbelerile, yi aci aku ageia kuru.

⁷Mi ndre, yi e’yo ti e’du yi tisi, sei ovu yi ma tiliayini ’yole kini, A’dini e’yoni erini ya? risi.

⁸Te mi’i, Yehova la, mi nga yi ogu ra; mi nga ’ba jururu dria ’ba aparakaru.

⁹Mi’i, mi okpo maniri la, ma nga mi te ra; Munguni ovule kali mani abi be izuro’irisi.

¹⁰Mungu mani, yiki aleru erini beri, nga mu ma drilia; Munguni nga fe ma ma lu nyoŋasi ari’ba mani ma ruaa,

¹¹Mi ma ofu yi ku, ’ba mani ’diyi ma dri kazu avizu ku; te mi ma ere yi okpo minisi, mi o’be yi va, Opi gombere amaniri la!

¹²E’yo onzi efupi yi ma tiliari ma e’yosi, e’yo yini ’yole yi tisi ’diyisi, ’ba ma bi yi afu yini ma alia. Yini ’ba trilerisi, yini vini inzo lile yi tisirisi,

¹³mi ja yi dri adra minirisi fo, mi ja yi dri, yi ma ovu ani dika ku, ’ba ma ni ani Mungu ovu opiru. Yakobo ma eselia beni kpere pari angu ma kalatini asizuria.

¹⁴Te yi ma emvi ondresi, yi ma egbe oceni egbelerile, yi ma aci aku ageia kuru.

¹⁵Yi ngaaci ’dile ’dole nyaka ndazu, yi nga te ini be rra, yi ka tra ku.

¹⁶Te ma’i, ma nga ongo ngo okpo miniri ecezu; adaru, ma nga ongo ngo o’duko urusi yiki alaru miniri ma e’yo ecezu o’bitisi, A’disiku mi ovu kali mani abi be izuru, pari mani ma ta mbazu alenia o’du yini ma ecandizurisiri’i.

¹⁷Ma nga ongo inzitani ngo mi vu, Okpo maniri la; Munguni ovule kali mani abi be izururi’irisi, eri Mungu yiki aleru fepi ma driri’i. (’Ba ongo dri cepiri dri: o’duko ongoni omvele E’yo Eti Nzezaniri vusi. Imbata Daudini ’ba imbazu, etu erini omba ’bazu Aramu-naharaimu pi be Aramu-zoba berisi; isu Yoabu emvi ra, nga ’ba Edomuni ofu e’buti A’iniria ’ba alifu mudri.)