Read lugbara Zaburi 6 Bible Online

Zaburi 6 - lugbara bible

Zaburi 6

¹Yehova, mi tre ma dria adra minirisi ku fo, mi co ma imbatasi aoko mini acirurisi ku indi.

²Mi ovu ma vu yikisi fo, Yehova, mani ’wile rarisi; Yehova, mi ati ma, fala mani yini candi isule turisi.

³Asi mani indi ovu candi be aga ra, Te mi’i, Yehova, mi nga te o’du ngopi ya?

⁴Mi emvi, Yehova, idri mani arizu; mi pa ma, leta mini yiki beri ma e’yosi.

⁵A’disiku dra ma alia egata ’bani e’yo mini egazuri yo; Pari ’ba drazaniri ma alia a’dini nga mi dri awa’difo feni ya?

⁶Ma ande wuta mani candirurisi ’bo; ini driasi ma fe gbolo mani ovu yiru mani mindre osule pari mani lazuri ma driarisi,

⁷Mile mani ondri ondri imvosi, eri de de ari’ba mani dria ma e’yosi.

⁸Emi nga ma ageiarisi, emi ’ba e’yo onzi ’yepi ’diyi dria; Yehovani o’duko mani awu beri erile ’borisi.

⁹Yehova eri matu ’baza mani ’bo; Yehovani nga zita mani zileri a’i ra.

¹⁰Ari’ba mani dria nga ovu drinzasi, candi be amboru tu indi; yi nga dri da vile, yi nga drinza isu mbeleru.