Read lugbara Zaburi 60 Bible Online

Zaburi 60 - lugbara bible

Zaburi 60

¹Mungu la, mi ’be ama ’bo, mi anzu ama ra; mi OVU aokosi ’bo; te mi omvi i ama dika pari amaniria fo!

²Mi fe angu ya ra, mi asi eri ’bo; te mi ma obi parini yi asupi va ’diyi, erini yale yarisi.

³Mi ece e’yo ewaru ’ba mini ’diyi dri ’bo; mi imvu ama patiefi ma su ’bani acizu ani parapararurisi ’bo.

⁴Mi fe bendera ’ba mi rupi ’diyi dri, yi ma e’da eri uru ani e’yo adaru miniri ma e’yosi.

⁵Mi ma pa ama dri ndi minirisi, mi omvi e’yo ama dri, mi ma ari ’ba mini lele turi ani.

⁶Mungu ’yo e’yo alatara inisi ’bo: Ma nga otre ani ayikosi tu, ma nga Sekemuni awa, ma nga a’bu Sukotiari ma lokiri awa bakasi.

⁷Gileadini mani; Manaseni mani indi; Efiraimuni vini biri ma driari’i; Yudani kali mani opiniri’i.

⁸Moabuni awala mani ma rua ojizuri’i; ma nga enyiriko ma paari ’be Edomu ma dria ra; ma nga cere ombani o’be Filisitia ma ari pezu.

⁹A’dini nga ma ji aku amboru kali okporu beri ma aliani ya? A’dini nga ma dri ce kpere Edomuani ya?

¹⁰Mungu la, mi ’beni ama ku ya? Mungu la, mi funi curu’do muzu ’ba ongulumuru amani omba ’bapi ’diyi be tualu ku.

¹¹Mi leo ama aza a’di ’dizu ari’ba be aza koza ’bani felenirini ovule tokorurisi!

¹²Te Mungusi ama nga ’ye asi okporusi; eri’i, eri nga ari’ba amani otu pasi vani. (’Ba ongo dri cepiri dri: o’di cozasi, Zaburi Daudini.)