Read lugbara Zaburi 61 Bible Online

Zaburi 61 - lugbara bible

Zaburi 61

¹Mi eri wuta mani fo, Mungu la, mi co bile zita mani erizu;

²engazu angu ma kalatini asizuria ma nga wu mi vu etu candini i ogazu ma asiarisi. Mi ce ma dri oni ovupi uru ma agapi rari vu;

³mini ovule pari mani ma ta mbazu aleniari’irisi, kali abi be okporu ari’ba mani ma e’yosi’irisi.

⁴Ma nga adri hema mini ma alia ’dani ’dani Ma nga ma zi opile mini etia!

⁵A’disiku mi’i, Mungu, mi eri oyo mani sole ’diyi ra, mi fe ma dri awuruso ’ba mi ru rupi ’diyini.

⁶Mi nga eli opiniri se izuru; eli erini nga ovu ekile eli a’bianzi kakaunile!

⁷Eri nga adri Mungu ma milia ’dani ’dani; mi ma ede yiki mini aleruri pi e’yo adaruri be, yi ma mba eri ma ta ani fo!

⁸Ka’dini ma nga ongo ngo mi ru inzizu ’dani, ma ma ’ye ani oyo mani sole ’diyi etu vusi etu vusi ra. (’Ba ongo dri cepiri dri: o’duko Yedutuniniri vusi. Zaburi Daudini.)