Read lugbara Zaburi 62 Bible Online

Zaburi 62 - lugbara bible

Zaburi 62

¹Ma orindini i do ciri Munguni tezu a’dule; pata mani ibi enga eri vu.

²Eri’i a’dule ovu kata mani, azini pata mani, eri ovu kali abi be okporu maniri; ma ngani oya ku.

³Emi nga omba ’ba ’ba alu be emi driani lezu eri fuzu, o’du ngopi ya? ekile abi ’yepi i asupi varile, ekile kali lepi i ogupi varile.

⁴Yi e’yo otu kiri eri ’bezu va a’dule, inzita erini nzezu. Yi le inzo li tu. Yi inzita inzi tisi, te asi yini ma alia yi ’ba tri.

⁵Ma orindi la! mi do mi e’yere Munguni tezu a’dule; e’yo ma asini teleri enga eri vu.

⁶Eri’i a’dule ovu kata mani azini pata mani, eri ovu kali abi be okporu maniri; ma ngani oya ku.

⁷Pata mani ma pazuri pi diza mani be, yi Mungu vu; kata okporu maniri azini pari mani ma pazu aleniari, yi Mungu ma alia.

⁸Emi ma ’ba emi asi eri a’izu o’du driasi, emi ’ba dria; emi ma osu e’yo emi asiari eri ma milia; Munguni pari amani ama pazu aleniari’i.

⁹Ada, ’ba soroa ’diyi yi ovu osile toko, ’ba ’wara yi inzoni; ’bani yi ma nziza o’biria, nziza yini yo; oli aga yi nzizasi ra.

¹⁰Emi ’ba asi e’yo ’ba ma afa arizu okposiri ma dria ku, emi ma ipi emi afa oguzasi ku; lonyi ka ezu kakau ra, emi ma ’ba emi asi drinia ku.

¹¹Mungu ’yo ndra pale alu ra; ma eri e’yo nde pale iri ’bo kini: Okponi Munguni;

¹²yiki aleruri vini mini indi, Opi la. Te mi ’ba dria alu alu ofe azi yini vusi. (Zaburi Daudini, ewu erini ovezu angu roko dria Yudaniarisi.)