Read lugbara Zaburi 63 Bible Online

Zaburi 63 - lugbara bible

Zaburi 63

¹Mungu, mi ovu Mungu mani, ma nga mi ndru asi driasi, mi kore fu ma orindi tu; ava mini va ma rua tu, angu a’wiru ’bani ani andezuri ma alia, pari yini ovuzu yoria,

²’Dini ma lu ndra mi vu pari alatararuri ma alia, okpo mini pi ndrezu diza mini be.

³Leta mini yiki berini ovule onyiru aga ovuzu idri beri rarisi, ma tileni nga mi inzi ani.

⁴Mani ovuria idriru ma nga mi inzi; ma nga ma dri eju mi ru omvezu.

⁵Orindi maniri nga tra ekile odu fala aliari pisi oso berile, ma tileni nga mi ru inzi tile ayikorusi,

⁶mani e’yo mini egaria gbolo mani dria, mani asisile droria e’yo mini dria inisi;

⁷mini ma aza kolerisi, te opile mini ma endria ma nga tre avikosi.

⁸Orindi mani eri i ebi mi be ci; dri ndi minirisi mi ma edre uru.

⁹Te ’ba ma dra ndrupi lepi ma idri dri japi ’diyi yi nga avi angu valeru nyaku etiaria;

¹⁰yi nga yi fe okpo seiniri dri, yi nga ovu za ma azi kule obau dririru.

¹¹Te opini nga ovu ayikosi Mungu ma alia; ’ba oyo sopi eri ma rusi ’diyi dria alu alu nga inzi ra; a’disiku ’ba inzo lipi ’diyi ma tileni nga yi ase ci. (’Ba ongo dri cepiri dri. Zaburi Daudini.)