Read lugbara Zaburi 64 Bible Online

Zaburi 64 - lugbara bible

Zaburi 64

¹Mi eri o’duko mani, Mungu la, mani otaria mi vu; mi mba ma idri ina ta ma kazu ovuzu urisi ari’basi ku beni.

²Mi zi ma ci e’yo ’ba onzi ’diyini otule ndindiruri ma e’yosi, mi zi vini ma otreza ’ba e’yo onzi edepi ’diyini otrelerisi indi.

³’Ba ’diyi ji yi ma andre ekile yini sei ma si jilerilee, yi ape ’ye yini osubu tia ngonde ’bo, ’ye nde yi e’yo ’yole okaru ’diyi,

⁴yi ma gbi ani ’ba kililiruri pari zizaruria beni, adaru yi gbi eri mbelekocici uri kokoru.

⁵Yi yi ma asi omi tualu e’yo onzi otuzu yi ma asia; yi ti eci tualu awi gazu lokirisi, kini, A’dini nga yi ndreni ya?

⁶Yi e’yo onzi ndru; yi kini, Ama ndru e’yere asi driasi ’bo; yi alu alu ma asisile pi asi yini be, yi aliru tu!

⁷Te Munguni nga yi gbini; coti ’ye yi gbizuri nga dri yi ma

⁸’Dinile kumuni nga yi ma pa osini, e’yo yini ’yole yi ma ngulupi ma andresiri nga yi ndeni; ’ba dria yi ndrepi ’diyi nga yi dri oya ogutasi,

⁹Te ’ba dria nga ovu ani urisi; yi nga ani azi Munguni ’yeleri ma e’yo olu, yi nga ’yera erini ma e’yo ega onduasi ra.

¹⁰’Ba onyiru ’diyi nga ovu ayikosi Yehova ma alia, yi nga yi asi ’ba eri a’izu indi! ’Ba ovupi kililiru asi yinia ’ di yi dria alu alu nga yi enya ayikosi tu! (’Ba ongo dri cepiri dri. Zaburi. Ongo Daudini.)