Read lugbara Zaburi 65 Bible Online

Zaburi 65 - lugbara bible

Zaburi 65

¹Inzitani mi te Zionia, Mungu la; ’ba yi nga ’ye mi vu ekile yini: oyoni solerile.

²Mi’i zita ’bani zileri eripiri la ti ’Ba rua ari be ’diyi dria nga ca mi vu.

³E’yo onzi mani nde ma ra; te mi nga ezata amani oji ra.

⁴’Ba mini pele fele eri ma ca mi vu, eri ma adri aku mini ma alia aniri ovu drilebaru Ama nga tra jo mini ma onyisi, hekalu mini alatararuri’i

⁵Onyi mini ma alia mi nga e’yo i omvi ama dri e’yo amboru uriuriru ’diyisi, Mungu pata fepi ama driri la; ’ba dria kpere angu wudrikuru ma tini asiria ’diyi yi asi ’ba mi dria, ’ba ovupi ziti miri dria ’diyi be indi.

⁶Mi’i, okpo minisi mi ’ba oni amboru pa sozu ci yi paria; mi okpo su mi opilia.

⁷Mi fe miri ma wuta ma adri ndi, yi ombupi ombu ’diyi ma awu be, otreza ’ba juruni pie.

⁸’Ba ovupi angu ma kala ziria ’diyi ’ye urisi eceta mini ’diyisi; mi fe atiza o’bitiniri pi ma ovu ayikosi biza ondreniri be.

⁹Mi eca nyakua eri andrizu, mi osu yi eri ma dria, mi fe eri ma ovu nyaku afa kapi turiru; yi ti yi ara Munguniri ma alia tre; mi fe anya ’ba dri mini nyaku ederia ’dinile ’boria.

¹⁰Mi osu yi angu dali dali ’diyi ma alia tu, mi osi amvu ma o’duti va; mi aka eri menemeneru ozoosi, mi fe asi ndriza orini ma engaza dri.

¹¹Mi fe ewadri ma ovu asi ndriza be onyi minisi; geri mini ga tre afa kazasi.

¹²Drini ayi angu nyamukoru roko driaria va, oni ngulu ’diyi su ayiko yi ma opiles,

¹³angu nyamukoru su kabilo o’biru yi ruaa bongole, angu e’butialaru a’bu drini ci ondusi, yi tre uri ayikosi, yi ngo ongo indi. (Ba ongo dri cepiri dri, Ongoni. Zaburini.)