Read lugbara Zaburi 67 Bible Online

Zaburi 67 - lugbara bible

Zaburi 67

¹Mungu inzizu Mungu ma ovu yikisi ama vu asi ndriza fezu ama dri, eri ma fe andreti ini ma di ama dria,

²’ba ma ni leti mini nyakua ani, suru dria ma ni okpo mini ’ba opazuri indi.

³Mi fe ba wudrikurua ’diyi ma inzi mi, Mungu; mi fe ’ba wudrikurua ’diyi dria ma inzi mi!

⁴Mi fe suri nyakua ’diyi ma ovu ayikosi fo, ma ngo ongo ayikosi indi, mini ’ba wudrikurua ’diyi ma e’yo lile kililirurisi azini mini suru ovupi nyakua ’diyi ma dri celenirisi.

⁵Mi fe ’ba wudrikurua ’diyi ma inzi mi, Mungu; mi fe ’ba wudrikurua ’diyi dria ma inzi mi

⁶Nyaku ka nyaka ini ’bo; Mungu, ada Mungu amaniri nga asi ndriza fe ama dri.

⁷’Munguni nga asi ndriza fe ama dri ra; ’ba ovupi angu ma kalatini asiria ’diyi dria nga eri ru ra! (’Ba ongo dri cepiri dri. Zaburi Daudini. Ongoni.)