Read lugbara Zaburi 72 Bible Online

Zaburi 72 - lugbara bible

Zaburi 72

¹Mi fe e’yo liza kililiru miniri opi dri, Mungu, mi fe vini onyi mini opi ma mvi dri indi

²Eri nga ani suru miniri ma e’yo li e’yo onyirorisi, eri nga ’ba alioru mini ’diyi ma e’yo li e’yo liza kililimrisi.

³Oni amboru ’diyi nga asi anzuru eji ’ba nde ’diyi dri, oni were ’diyi nga vini eji indi, e’yo onyiruri ma alia.

⁴Eri nga ’ba alioru suru eselia ’diyi ma e’yo li, eri nga ’ba afa kokoru ’diyi opa ra, eri nga ’ba yi inzapiri onyo ra,

⁵Yi nga mi ru de etu indi, azini de mba indi, kpere a’bianzi vusi dria!

⁶Eri nga esi va ozoo ’dipi ase voza ma driarile, ekile ozoo oyipi were were yi fezu nyakuarile!

⁷O’du erinisi dria ’ba onyi be ’diyi nga ovu drilebaru tu, asi anzuruni nga ovu tu, de nga mba asini efuzu dika ku!

⁸Eri nga opi nya engazu miri aziria cazu miri aziniria, engazu Yi Araa cazu angu kalatini asizuria!

⁹’Ba ovupi angu didi ma alia ’diyi nga kumuti osi drilenia, ari ’ba erini nga esi va irifura mbezu

¹⁰Opi Tarisisia ’diyi pi angu yi lipi miri ma alia ’diyia ’diyi be, nga afa feza eji ra; opi Shebaa ’diyi pi Sebaa ’diyi be nga afa feza fe!

¹¹Ada, opi dria nga yi eco va eri ma palaa,suru dria nga azi nga eri dri ra!

¹²A’disiku eri nga ’ba afa kokoru ari o’du erini wuzurisi, eri nga ’ba alioru ’ba azinini azani kole kuri ari indi.

¹³Eri ma asini nga ndri ’ba alioru ’diyi pi vu ’ba afa kokoru ’diyi be, eri nga ’ba afa kokoru ’diyi ma idri pa ra.

¹⁴Eri nga yi pa idriru inzata okporuri ma aliasi; ari yini nga ovu afa aje nyapi turile eri ma milia.

¹⁵Yi nga ovu ani idriru; yi nga mele Shebani fe eri dri! Yi nga Mungu a’i eri dri ’dani, yi nga inzita fe eri dri etu zu!

¹⁶Anyani nga ovu tre nyakua oni ma dria; efi kazaniri nga oya ekile Lebanonile; ’ba ovupi aku amboru ma alia ’diyi nga ezu kakau ase nyakuarile!

¹⁷Eri ma runi nga ovu ’dani ’dani, ru eriniri nga adri ’dani etuni ovule indirile! ’Ba yi nga asi ndriza isu erisi, suru dria nga eri omve ’ba ayiko beriruri’i!

¹⁸’Ba ma inzi Yehova Mungu, Mungu Israeliniri’i; eri a’dule ’ye ’yeta osutaru’i.

¹⁹’Ba ma inzi vini ru erini dizaruri ’dani ’dani; angu wudrikuru dria ma ga diza erinisi tre Amena, azini Amena!

²⁰Zita Daudi Yese mvini zile ’diyi asi ’dia.