Read lugbara Zaburi 75 Bible Online

Zaburi 75 - lugbara bible

Zaburi 75

¹Ama fe awa’difo mi dri, Mungu la; ama fe awa’difo mi runi ovule ogogorisi; ’ba yi adri ’yeta mini osutaru ’diyi ma e’yo olu.

²O’du peleri ka nga eca ra ma nga e’yo li kilili.

³Nyaku pini aka menemeneru ’ba alenia ’diyi pie dria; ma ngulupii’di pati erini i’diaferu ’diyi ma’i.

⁴Ma ’yo ’ba afuru ’diyi ma tia, Emi ’ye afusi ku; ma ’yo ’ba onzi ’diyi ma tia, Emi enga emi o’yu uru ku;

⁵emi enga emi o’yu uru ’bualeru ku, emi ’yo e’yo azini ombele tezasi ku.

⁶Te engata ’bani ’ba engazu ururi engani kala etuni efuzuria ku, kani kala etuni ’dezuria ku, kani vini angu uruleruria ku indi;

⁷te Mungu eri e’yo ’bani li; eri adri ’ba azini ’ba va, te ’ba azini eri ’ba uru.

⁸Te Yehova ma dria isu okele indi, alenia patiefi ma su e’da o’burusoru; eri osa patiefi ma su alenia tre, osu eri ani; adaru ’ba onzi nyakua ’diyi dria nga eri zo mvu, anyakaru okele etiari be dria,

⁹Te ma’i, ma nga e’yo olu ’dani ’dani, ma nga Mungu Yakoboniri inzi ongosi ra.

¹⁰Ma nga ’ba onzi ’diyi ma o’yu onyo dria va, te ma nga ’ba onyiru ’diyi ma o’yu enga uru. (Ba ongo dri cepiri dri: o’di cozasi. Zaburi Asafuni. Ongoni.)