Read lugbara Zaburi 79 Bible Online

Zaburi 79 - lugbara bible

Zaburi 79

¹Mungu la, ’ba jururu ’diyi fi angu mini ’bale mi afaruria ’bo; yi eza hekalu mini alatararuri ’bo; yi ’ba Yerusalemuni andru-

²Yi fe ati’ba mini ma avu nyakaru aria ’bua ’diyi dri, yi fe ’ba alatararu mini ’diyi anyapa asea ’diyi dri zaru indi,

³Yi osu ari yini yile Yerusalemu ageia; ’ba yi ma avu sapini yo,

⁴Ama ofu o’dataru ’ba ama jo ejelea ’diyi dri ra, ’ba ama ageia ’diyi yi onzi ama, yi ogu ama tu.

⁵Ewu ngopi ya, Yehova la? Mi nga ovu aokosi ’dani ya? A’ya mini ’baleri nga di acile ya?

⁶Mi ma osu adra mini ’ba jururu mi nipi ku ’diyi ma dria’i, suru mi ru omvepi ku ’diyi ma dria indi!

⁷Yini Yakobo nyale ’borisi, yini vini angu erini ezale rarisi.

⁸Mi ega ama a’bipi ma ezata, o’bazu ama dria ku fo; mi fe yiki mini asi ndriza beri ma emu ama dri ce mbele, yini ama omvile ele turisi.

⁹Mi ko ama aza, Mungu para amani fepiri, diza mi runisi; mi ari ama, mi wu ezata amani mini ma e’yosi

¹⁰’Ba jururu ma ’dini a’disi ya kini, Mungu yini ngoa ya? Mi ma ofe ati’ba mini ma ari ’bani adale vari ma arioti, e’yo nde ma nizaru ’ba jururu ’diyi ma eselia va ama milia fo!

¹¹’Ba bile ati’baru ’diyi ma asi otaza ma ba mi bilia fo; mi mba ’ba ’bani opele drani ’diyi ma ta, okpo mini amborurisi!

¹²Mi ofe ’ba ama aku ejelea ’diyi ma o’data paleko aziri yi ma agatia, yini mi o’dalerisi, Opi la!

¹³Ka’dini ama’i, suru mini, kabilo nyamuko minia ’diyi, ama nga awa’difo fe mi dri ’dani ’dani; ama nga inzita mini ece a’bianzi vusi dria. (’Ba ongo dri cepiri dri: o’duko ongoni omvele Ojofuri vusi. E’yo eti nzeza Asafuni, Zaburini.)