Read lugbara Zaburi 8 Bible Online

Zaburi 8 - lugbara bible

Zaburi 8

¹Yehova Opi amaniri la, ru mini ovu onyiru tu angu wudrikuru dria ma alia ’doni ya! Mi’i diza mini ’bapi ’bua ’bori!

²E’yo efupi anzi nyiri nyiri azini odekua ma tiliarisi mi fe okpo mini ma ga tre, ari’ba mini ma e’yosi, ’dini mi ma fe ari’bo ma adri ciri ani, ’ba aroti ofepiri be.

³Mani ’bu mini ma e’yo egaria, ’di azi mi drini ’yeleri, mba pi ’bi’bio be mini o’bale pari yinia ’diyi;

⁴’ba eri a’di afani, mini e’yoni egazu ’ dini ya? kani mvi ’bani eri ngoniru, mini eri andrizu ani ya?

⁵Te mi ’ba eli Mungu vutia were, mi su diza pi eri ma dria inzita be.

⁶Mi ’ba eri opiru afa mini o’bale dri minisi ’diyi ma drilia; mi ’ba afa dria va eri ma palaa ’bo:

⁷kabilo pi ti be dria, ada, anyapa asea ’diyi pie,

⁸aria ’bua ’diyi pi e’bi miria ’diyi be, afa dria acipi geri miria ’diyisi ’diyi pie dria.

⁹Yehova Opi amaniri la, ru mini ovu onyiru tu angu wudrikuru dria ma alia ’doni ya!