Read lugbara Zaburi 81 Bible Online

Zaburi 81 - lugbara bible

Zaburi 81

¹Mungu okpo amaniri dri; emi otre o’duko ayikorurisi Mungu Yakoboniri vu!

²Emi e’do zaburi ngo, emi eji arimva’doa, o’di onyiru, o’di zaburiniri be.

³Emi vu guka o’du mba sini egazurisi, o’du mbani ovuzu edramvirarurisi, omu amani alatararurisi.

⁴A’disiku ’yezu ’diniri ovu azitaru Israeli dri, Mungu Yakoboniri azi azita nde ra.

⁵Eri ’ba eri Yusufu dri e’yo eti nzezaru, erini ndra efuria angu Misirini ma dri aruzuria. Ma eri ti mani nile kuri:

⁶Ma ’du teri eri ma ombetiari ra; ma otru eri ma dri afazu ruaarisi ra.

⁷Mi omve ndra ma o’du candinirisi, te ma ari di mi ani ra; ma omvi e’yoni mi dri pari zizaru ovini nozuria; ma o’bi ndra mi yi Meribaaria.

⁸Emi eri, emi suru mani la, ma nga e’yo ma eti nze emi dri Israeli la, emi ka te bile fe ma vu ’yeke fo!

⁹Mungu andini ma ovu emi eselia ku; emi ma inzi vini Mungu jururu aluni ku.

¹⁰Ma’i, ma Yehova Mungu mini mi ejipi ndra uru engazu angu Misiriniasiri’i. Mi zi mi tile walaru, ma nga nyaka to alenia tre ani.

¹¹Te suru mani erini o’duko mani ku; Israeli ga ma a’iko si.

¹²E’yo ’disi ma ku yi ma ’ye asi mbaza yini vusi, yi ma aci ani ekile yini amale vi’irile.

¹³Suru mani ka te e’yo mani eri ra Israeli ka te ad geri mani ma alia ’yeke fo!

¹⁴Te’do ma nga ari’ba yini nde mbeleru, ma te nga ma dri ’ba ari’ba yini ma ruaa.

¹⁵’Ba Yehovani ngupi onzi ’diyi eco te yi oja e’yo erini erizu ra, te ’ba ’dayi eco te adri ’dani ’dani.

¹⁶Eri eco te anya onyiru turi fe yi dri nyakaru; ma eco te fe mi ma tra anyuoso nzele oni ruaarisi ra.