Read lugbara Zaburi 85 Bible Online

Zaburi 85 - lugbara bible

Zaburi 85

¹Yehova, mi ovu ndra asi ndriza be angu mini vu; mi onze ndra suru Yakoboni ati’boarisi.

²Mi wu ndra ’ba mini ’diyi ma e’yo onzi; mi a’bu ezata yini dria ra.

³Mi nze ndra adra mini dria; mi oja mi aoko mini aciruri kuzu.

⁴Mi oja ama dika, Mungu pata amanirini, mi ku asi veza mini vepi ama vorifo

⁵Mi nga adra ’ba ama ve ’dani ’dani ya? Mi nga aoko mini se izu cazu a’bianzi vile ’diyi vusi ’dani ya?

⁶Mi ngani ama ’ba idriru dika, suru mini ma ovu ani ayikosi misi ku ya?

⁷Mi ece yiki aleru miniri ama dri fo, Yehova, mi fe pata miniri ama dri.

⁸Ma aga e’yo Mungu Yehovani ngale ’yoleri eri ra, erini ngale e’yo asi anzuruni ’yole suru ini pi ma tia, ’ba alatararu ini ’diyi berisi;te yi ma oja yi e’yo azazaru vu dika ku.

⁹Adaru, pata erini ovu ’ba eri rupi ’diyi vu ogogo, diza ma adri ani angu amani ma alia beni,

¹⁰Yiki aleruri pi eci yi ma ti e’yo adaruri be; onyi pi eci yi ma ti asi anzuro; be o’deza avasirisi!

¹¹E’yo adaruni enga nyakua, onyini elu ’bualesi va.

¹²Ada, Yehovani nga afa onyiruri fe, angu amaniri nga efi ini ka tu.

¹³Onyini nga mu eri drilia, nga pamvu erini ’ba geri ’bani acizuriru.