Read lugbara Zaburi 86 Bible Online

Zaburi 86 - lugbara bible

Zaburi 86

¹Mi co mi bile fo, Yehova la, ru omvi e’yo ma tia, mani ovule ’ba alioru afa kokorurisi.

²Mi mba idri mani ma ra, mani ovule ’ba Mungu rupinirisi; mi Mungu mani la, mi pa ati’bo mini mi a’ipiri fo!

³Mi ovu yikisi ma vu fo, ’Opi, mazu wule mi vu etu zurisi.

⁴Mi fe ati’bo mini ma asi ma ovu ayikosi, mani ma asi engale mi vurisi, Opi la,

⁵A’disiku mi’i,Opi, mi onyiru, mi ngonde e’yo onzi wuzu, mi yiki aleruri be tre ’ba dria mi omvepi ’diyi vu.

⁶Mi co bile zita mani erize, Yehova; mi eri ma o’duko mani matu ’baria.

⁷O’du mani ovuzu e’yo ewaru ma aliarisi ma nga mi omve, mini ngale e’yo omvile ma tiarisi.

⁸Mungu azini ’diyi eselia Mungu azini mileni aluni yo, Opi la, ’yeta azini ’yeta mini ’yeleni ’diyile aluni yo.

⁹Suru dria mini o’bale ’diyi nga emu mi drilia mi inzizu, Opi yi a ru miniri ’ba dizaru.

¹⁰Mini ovule amborurisi azini mini ’yeta ’yele osuzarurisi; mi’i, kiri mi a’dule, mi Mungurunini,

¹¹Mi imba ma geri mini nizu, Yehova; ma nga aci e’yo adaru miniri ma alia; mi fe ma ma ru ru miniri asi alu

¹²Ma nga mi Inzi ma asi driasi, Opi Mungumani, ma nga diza fe ru mini dri ’ dani ’dani

¹³yiki aleru minirini ovule ma vu amborurisi; mi ari orindi mani Pari ’ba drazani aliru run ma aliasi

¹⁴Mungu la, ’ba asi afu be ’diyi enga ma ruaa ’bo, ’ba ’ba ’yepi eganasi ’diyi oku yi ongulumuru ma dra ndazu ra; yi ’bani mi yi ma milia ku.

¹⁵Te mi’i, Opi la, mi Mungu gapi tre yiki pisi asi ndriza beri’i, mi ’bani aoko mbeleru ku, mi ga yiki aleruri pisi tre e’yo adaruri be.

¹⁶Mi oja mi ma vu fo, mi ovu yikisi mavu; mi fe okpomini ati’bo mini dri, mima pa zamva mini ati’boruri ma mvini.

¹⁷Mi ece ma dri eceta e’yo onyiruniri, ’dini ’ba ma ngupi onzi ’diyi ma ndre ra, yi ma ovu ani drinzasi beni, a’disiku mi’i, Yehova, mini ma aza kole, ma asi omile indirisi.