Read lugbara Zaburi 92 Bible Online

Zaburi 92 - lugbara bible

Zaburi 92

¹Eri onyiru tu awa’difo fezu Yehova dri, ongo ngozu ru mini inzizu, mi Mungu Uru Agapi Turi’i;

²yiki mini ale beri ecezu o’biti vusi, asi adaru miniri ecezu ini driasi indi,

³o’di baka be mudriri pisi o’di ’bani ani zaburi ngozuri pie, o’di wuta amboru be iyikiza fepi ’ba asiari pie.

⁴Te mi’i Yehova, mi ’ba ma ayikosi azi mini ’yelerisi ’bo; ma nga otre ayikosi ’yeta mi dri pamvuni ’diyisi.

⁵Azi mini ’yele ’diyi yi amboru ’doni ya, Yehova! Asisile mini yi aliru tu!

⁶Agu ondua kokoruri nini e’yo ’diri ku, ’ba azazaru vani e’yo ’diri ku indi:

⁷’ba onzi ’diyi ka enga asele azini ’ba e’yo onzi ’yepi ’diyi dria ka zo drilebaru ti, yi zo kiri yini dri jazu’dani ’dani.

⁸te mi’i Yehova, mi ovu uru ’dani ’dani.

⁹Te mi ne, ari’ba mini, Yehova la, mi ne, ari’ba mini yi nga dri ja raj ’ba e’yo onzi ’yepi ’diyi nga yi ere dria dria.

¹⁰Te mi ’ba o’yu mani uru ’bo, ekile odru ma o’yule; mi osu odu o’diru ma dria ’bo.

¹¹Mile mani lu nyonasi ari’ba mani ma ruaa, ma eri vini ma bilesi dri jaza ’ba onzi engapi ma ruaa ’diyini indi.

¹²’Ba e’yo onyiru ’yepi ’diyi nga zo itu patile, yi nga zo mario ovupi Lebanoniarile indi.

¹³’Ba ola sopi Yehova ma joa ’diyi nga zo tu Mungu amani ma irii ma alia ra.

¹⁴Yi nga efi ’ya ’dani kpere ewu yini cazu mbazaururia, yi nga ga tre patisusi, yi nga ovu ibiru ’dani,

¹⁵yi ma ece ani Yehovani kililiruni; eri kata maniri, e’yo ovupi kililiru kuri eri ma alia aluni yo.