Read lugbara Zaburi 93 Bible Online

Zaburi 93 - lugbara bible

Zaburi 93

¹Yehovani opi nyani; eri su diza opini i ma ruaa; Yehova su diza i ma ruaa, eri a’di vini okpo i ma opilia. Eri ’ba angu wudrikuruni pa sozu okporu indi, ’dini e’yoniri ngani i oja ku;

²oguna mini so pa okporu engazu drio; mi ovu okokele ’dani ’dani.

³Yi tiza enga, Yehova, yi tiza enga yi ma o’duko ’bo, yi tiza ma yi mbupi mbu ’diyi enga ra.

⁴Yehova ururi ovu okpo be aga yi kakau ma o’duko ’diyi ra, adaru, aga yi mirini mbupi okposi ’diyi ra!

⁵E’yo eti nzeza mini ’diyi ovu adaru ’dani; alatara si jo mini si si, Yehova la, ’dani ’dani.