Read lugbara Zaburi 96 Bible Online

Zaburi 96 - lugbara bible

Zaburi 96

¹Emi ma ngo ongo o’diru Yehova dri fo; emi ngo Yehova dri, emi ’ba wudrikurua ’diyi dria!

²Emi ngo ongo Yehova dri, emi inzi eri ru; emi ma ece pata eriniri ma e’yo o’du vusi o’du vusi.

³Emi olu diza erini ma e’yo juru ma eselia, ’yeta erini osutaru ’diyi suru dria ma eselia indi!

⁴Yehovani ovule amborurisi, runi ma ovu inzizaru uru tu; ’ba ma ru eri aga Mungu azini ’diyi dria ra.

⁵Adrou ’ba jururu ’diyini yi dria afa tokoni; te Yehova ’ba ndra ’buni.

⁶Inzita pi ovu eri ma milia diza opiniri be; okpo pi ovu pari erini ruri ma alia rua ndriza be.

⁷Emi ma fe Yehova dri, emi suru ’ba juruni, emi fe Yehova dri diza pi okpo be!

⁸Emi fe Yehova dri diza i sipi ru erini beri; emi eji edeta, emi efi hekalu eriniri ma iriia

⁹Emi ma inzi Yehova rua ndriza alatararusi; emi rua ma ya ya eri drilia, emi ’ba wudrikurua ’diyi dria

¹⁰Emi ’yo ’ba jururu ’diyi ma eselia, Yehovani opiruni! Nyaku indi ovu ’bazaru okporu, oyani i ku; eri nga suru dria ma e’yo li kililiru.

¹¹Onyiru ’bu ma ovu ayikosi, nyaku ma ovu ayiko be indi; miri ma otre uru, afa alenia ’diyi pie dria;

¹²angu aseru ma ovu vini ayiko be tu, afa alenia ’diyi pie dria! Ka’dini pati oceru ’diyi dria nga ongo ngo ayikosi

¹³Yehova ma drilia, erini ngale ecalerisi, erini ngale ecale e’yo nyakuni lizu rarisi. Eri nga e’yo wudrikuruni li onyisi, eri nga suru dria ma e’yo li e’yo adaru erinisi.