Read lugbara Zaburi 97 Bible Online

Zaburi 97 - lugbara bible

Zaburi 97

¹Yehovani opiruni; nyaku ma ovu ayikosi; angu miri tia kakau ’diyi ma ovu ayiko be!

²Iriti pi ovu eri ma ageia angu biza be; oguna erini so pa onyi pi ma dria e’yo liza kililiruri be.

³Aci ce dri eri ma drilia ari’ba erini ovezu kalaniasi dria.

⁴Ovi erini fe diza nyaku dri; nyaku ndre ra, ya ani ya ya.

⁵Oni yi aka menemeneru oderile Yehova ma milia,

⁶Opi wudrikuru drianiri ma drilia.

⁷Drinzani nga ’ba wura opale opa’diyi inzipi ’diyi bi dria ra, ’ba yi enyapi afuru wura toko ma e’yosi ’diyi; emi ma inzi eri, emi adrou dria.

⁸Zioni eri ra, ovu ani ayikosi, ezoanzi Yudani ovu ayiko be, e’yo liza mini ma e’yosi, Yehova.

⁹A’disiku mi’i, Yehova la, mi ovu uru tu aga ra, nyaku dria ma drilia; mi ovu inzizaru uru tu aga adrou dria ra.

¹⁰Emi ’ba Yehovani lepi ’diyi, emi ma ngu e’yo onziri onzi fo; eri ’ba erini alatararu ’diyi ma idri ma ta mba ra; eri yi pa ’ba onzi ’diyi ma driasi ra.

¹¹Diza di ’ba onyiru ’diyi dria ’bo, ayiko ’ba ovupi kililiru yi ma asia ’diyi dri.

¹²Emi ma ovu ayikosi Yehovasi, emi ’ba onyiru, awa’difo fezu ru erini alatararuri dri!